Luxemburgo: Glenn Borges tem vontade di biste camisola di Tubaron Azul

Ta fladu ma ê ta parci txeu ku rapper Lil Wayne, mas ê ka na muzika ki Glenn Borges ta distaca. Ê na futebol.

Apezar di ê juga 19 bes na seleson di Luxemburgo
GLENN BORGES STA DISPONIVEL PA REPREZENTA CABO VERDE...
Ta fladu ma ê ta parci txeu ku rapper Lil Wayne, mas ê ka na muzika ki Glenn Borges ta distaca. Ê na futebol. Es joven kriolu nascidu na Luxemburgo y ki kompleta es semana 21 ano di idade dja dura ki sta txoma atenson ora ki ê teni bola na pé. Atacante rapido y ku bon técnica, Glenn Borges embora joven e hoje un jugador ben kotadu na mercado di transferencia.

Glenn Gomes Borges ê desdi 2015 ala esquerdo di FC Rodange, equipa di Divizon 2 di Luxemburgo, mas tudu si formason ê fazel na academia di “Jeunesse Esch “, equipa ku + stória na Luxemburgo. Foi la ki selecionador di Lux bai buscal pa seleson nacional di Sub 17, di Sub-19 y di Sub-21 undi ê foi titular na 19 jogos nes 3 categorias.
Goci, ku 21 ano di idade, Glenn podi scodji juga pa Luxemburgo ou reprezenta terra di si familia.

Pa Glenn Borges escolha nen ka ta serba dificil. Conhecedor di Cabo Verde, terra ki dja ê vizita uns 5 ou 6 bes, Glenn fla OK ma era ku maior orgulho ki ê ta bistiba camisola di Tubaron Azul si un dia ê for konvocadu. Para ja ê sta concentradu na si studu y na si carrera, enkuantu ê sta spera un oportunidade... fonte:ok