Na 2014 Marleny da Rosa foi konsiderada pa jornal USA TODAY como un di kes 5 joven mudjer ki sta muda mundo.
MARLENY DA ROSA ORGULHOZAMENTI AFRICANA...
Ê ten sô 25 anu mas si luta ta daba un livro. Ou un filme.
Na 2014 Marleny da Rosa foi konsiderada pa jornal USA TODAY como un di kes 5 joven mudjer ki sta muda mundo. Si mison?
Si mison ê luta pa midjora vida di mudjer na Africa y na mundo ki inda sta sufri na pele efeitos di guerra, di violencia, di mau-tratu, di violason sexual, di mizéria y di falta di oportunidade. Marleny kré pa kuzas muda, mas pa muda di verdade . Ê por isso ki djunta ku + 2 otus jovens ativistas merkanas ê kria Fundason “Africa’s Woman of Valor”, un organizason non-lucrativo ki ta dedica a kombati abuzu y violason di mudjer non so na Africa mas també na mundo interu.
Marleny també ta insisti na conta stória di es mudjeris violadas i injuriadas pamodi sima ê ta fla “dor y gritu di si irmans ê tambe si dor, si gritu .... Mas Marleny nen sempri ka ta pensaba si.
MUDANSA NA HOLANDA
Foi na Holanda ki es joven kriola nascida na Boston discubri si vocason pa djuda próximo. Foi na 2012 kuandu inda studanti di Relasons Internacional ê bai sisti julgamentu di prezidenti liberiano Charles Taylor na Tribunal Internacional di Haia.
Foi la ki ê obi relatos arrepiantes di mudjeris violadas, maltratadas, esventradas...
Foi la ki ó obi storia di soldados di Charles taylor ki na Libéria y na Serra Leoa ta abriba barriga di grávidas pa tra minino. Marleny fla ma ê xinti medo ...Ma ê xinti un medo horrivel di Charles Taylor ki ê odja frenti a frenti y ki cinicamente nen ka pisca un odju odju kuandu ê obi sentensa ma é foi kondenadu a 50 anos di cadeia por crimes di violason sexual, terror y homicidio. Foi nes mumento ki Marleny fla ma ê discubri si verdaderu mison, si propozitu di sta nes mundo...
.
Mas hoje Marleny ka teni + medu. Hoje e sta fazi tudu pa denuncia y pa djuda kombati tudu tipo di abuzu y violason kontra mudjer.
Foi també na Holanda ki Merlany discubri si verdaderu identidade. Fidju di mai ki imigra di Praia pa Merka na final di anos 80, Marleny embora kriadu na meio di kriolu, di catxupa i di funaná, Marleny nunca ka valorizaba di verdade si raiz, si kultura... Nunca ê ka assumiba plenamenti como cabo-verdiana, como africana. Sima txeu otu jovens nascidu na Merka y di “cor + clarinhu” ê passa pa kel situason ki ta txomadu crizi di identidade. Foi na Holanda ki ê ultrapassa es crizi kuandu ê rapara na diversidade di povu cabo-verdiano y na diversidadi di si kultura.....
Foi la ki ê percebi finalmenti ma kultura di Cabo Verde ta fazi parti di si propi identidade, sempri prezenti na si alma y na si kabesa. fonte:ok
COMMENTS