Afinal inda ten stórias ku final feliz... Conxe Caboverdiano ki Venci Cancer

Mas ten un cuza ki Mateus nunca ka perdi: Kel vontadi di vivi, kel speransa di venci es duensa runhu.

MATEUS VENCI CANCER...
Mateus Nunes ten 3 paixon na vida: Muzica, Gastronomia y Familia.
Nascidu y kriadu na Santa Maria, Dja D’Sal, es emprezário di 50 anos foi sempri un lutador, un kriolu di gema sima ta fladu. Na anos 80 ê foi fundador di conjunto musical “Uprising” y dipos ê abri un marisqueira na Sal ki rapidamenti konquista fama. Mas Mateus tevi ki muda si planos kuando nun consulta di rotina ê foi diagnosticadu ku leucemia dja nun estadu mutu avansadu. Leucemia ê kel tipo di cancer maligno ki + ta mata, embora ê ten tratamentu si ê for discubridu cedu.

Dipos di choque Mateus dicidi luta: Luta pa kontinua ta vi.
Foi si ki ku kurason pertadu ê dexa si trabadju y si fidjos na Sal y djuntu ku si mudjer ê bai Brazil undi ê passa 7 mes nun clinica ta fazi tratamento, incluindu quimioterapia.
Ê fla ma ka foi facil, ma si maior arma foi forsa di Deus, y, ê claru, apoio di si mudjer ki es stevi sempri unidu nes luta kontra morte.
Mateus ta konfesa ma ê tevi medo, sobretudo kuandu ê kumesa ta disfigura, ta perdi pezu, ta perdi cabelo, ta perdi energia ...Ê xinti medo di nunca + ka odja si fidjus, di nunca + ka odja si neto, di nunca + ka pega nun violon pa toca un morna.

Mas ten un cuza ki Mateus nunca ka perdi: Kel vontadi di vivi, kel speransa di venci es duensa runhu.
Talvez foi por isso mesmu ki Mateus VENCI. Pamodi kel forsa interior, kel espirito lutador ki sempri caracterizal.

Tratamento di Mateus na Brazil foi 100% puzitivo. Ê sta sigui goci un acompanhamento na Portugal so por un kiston di precauson. Inda ê ka volta pa Cabo Verde mas dentu en brevi ê sta pensa na reuni ku si familia y amigos y retoma si trabadju na ilha do Sal. Si cura?
Si cura ê ta fla ma foi alimentason equilibrada, pensamentu puzitivu , alegria, familia, amigos y sobretudo kel vontadi di sobrivivi
Sima Mateus ten txeu otu doentes ki ku forsa di vonatde venci cancer ou otu tipo di duensa maligno. Ses storias ê un inspirason pa txeu pessoas ki sta sufri. Ê exemplos ma afinal speransa sempri é possivel ....
por>OK y Ana Teresa Santos (bloguista).