França: Modista kriolu na Paris dexa mensagen pa jovens ki ten ideias

opinion di Vilson, un joven estilista kriolu na França ki djuntu ku otu joven empreendedor funda “SAUDADE DE PARIS”

Modista kriolu na Paris dexa mensagen pa jovens ki ten ideias
KA BU TEN MEDU Y ACREDITA
Pamodi + importanti ê akredita na bu kabesa, ê obi opinion di pessoas kompetentes y ka ten medu di konfronta bu ideias ou bu prejetu. Sô atraves di kriticas ê ki bu ta podi midjoral, konsolidal y difendel.
Kel li ô opinion di Vilson, un joven estilista kriolu na França ki djuntu ku otu joven empreendedor funda “SAUDADE DE PARIS” , un “label “ di moda ki ta pretendi transmiti através di vestuario tudu kel variedade kultural ki ten na Paris.

PAMODI “SAUDADE DE PARIS”?
Pamodi “Saudade” ê segundo kriadores di es prujeto un “palavra cabo-verdiano ki ta difini es sentimento unico di melancolia pa algun cuza ki nu perdi y ki nu ta ama mas sempri ku kel speransa di un dia encontral”. É es speransa di re-encontru ki Vilson ta kre transmiti non só atravez di moda mas di tudu si kriason artistico.

MODI KI SURGI ES IDEIA?
Pamodi Vilson sempri tevi paixon pa moda. Stlista di formason e modelo, Vilson aperfeicoa si arte na diferentes emprezas di Moda & Costura di Paris y na televizon e foi responsavel pa imagen di txeu aprezentadores e jornalistas. Tambe e ta konfecionaba si propri ropa ki e ta bistiba y ki fazi un certu suceso ( txeu pessoas ta paraba el na rua sabi origen di si camisa ou di si casaco). Foi enton ki e dicidi kria es prujeto djuntu ku un otu joven especialista na moda.

ALÉRGICO A KONFORMISMO...
Moda na Paris ê kuazi tudu igual, ka ten txeu inovason. “SAUDADE DE PARIS ” ta propou un otu forma di bisti, un otu manera di encara moda, un otu stilu di vida. Ê por isso ki es ê kontra tudu produson en grande escala ki ta ilimina individualidade y ta prejudica kriason ( Ê també por isso ki es ta pruduzi no maximo 6 exemplar di kada ropa y kada un ta leba si marca di autenticidade).

PARTILHA...
“Partilha” sta na centru di es prujetu ki pa alen di ropa kre entra també na mercado de perfumaria, sempri ku es ideia di originalidade.
“ SAUDADE DE PARIS “ dja teni tambe es pagina online ki bu podi vizita (http://www.saudadedeparis.com/ ) y ki ta “abri porta” a otus korrentis artisticos, desdi grafistas, kriadores di joias ou di mobilias, etc. Si bu ten algun ideia kontactaz. fonte:ok