Nha Diminga fazi si ultimo partu dja ten uns 6 ano kuandu dja ê tinha + di 90 ano.
Konxi es herói di Santa Cruz
NHA DIMINGA
Na zona di Rebelo na concelho di Santa Cruz undi ê ta mora Nha Diminga ( Domingas Gomes Monteiro) ta tratadu kuazi sima un santa. Foi el ki trazi pa es mundo kuazi tudu kriansas di zona nun altura ki partu na hospital era dificil pa grávidas ki ta moraba na lonji ou izoladas. Mas Nha Diminga, ku sol ou ku txuba, di noti ou di dia y alvez ku fomi na barriga ou sonu na cabesa nunca ka recuza bai presta si servisu a pessoas humildes ki ta pidiba si ajuda.
Ê di es forma ki ê trazi pa mundo criansas di Calheta, di S.Miguel y até di concelho di Santa Catarina ou di Tarrafal . Si unico farramenta era si 2 mon y un tizora pa korta biku. Ku si arti es grandi sinhora ki teni goci kuazi 100 ano di idade salva vidas di txeu grávidas y bebés. Ê tambe por isso ki hoje el ê un mudjer ruspetada y reconhecida na si zona.
Nha Diminga fazi si ultimo partu dja ten uns 6 ano kuandu dja ê tinha + di 90 ano. Hoje ê sta “reformada” mas si arte ka perdi pamodi ê enxina txeu otu pessoas es tecnica di ser partera, tecnica ki ê prendi na S.Tomé undi inda menina e bai kontratada pa trabadja na rosa.
Stória di Nha Diminga ê un storia di luta y di coragen, mas pa es mudjer kustumada ku enfrenta y venci morte si maior luta foi talvez kontra kes mininos ki ka ta kré naceba, mas na si mon ninhun ka morri.
Ku amor y dedicason ê fla ma ê ta lababa y limpa es mininos antis di entregaz san di saude pa ses mai.... Y ê ta partiba pa + un otu “mison”, talvez kel mison + bunitu ki ten na mundo pamodi era pa trazi un criansa pa es mundo.
Kel li ê un homenagem pa sinhora Domingas Gomes Monteiro mas tambe pa tudu parteras di Cabo Verde ki di lua a lua, di noti a noti, di rubera a rubera y di kutelu a kutelu ivita y kontinua ta ivita ki txeu mai perdi ses vida ou vida di ses fidju.
Kantu “like” ki es mereci? fonte:ok
NHA DIMINGA
Na zona di Rebelo na concelho di Santa Cruz undi ê ta mora Nha Diminga ( Domingas Gomes Monteiro) ta tratadu kuazi sima un santa. Foi el ki trazi pa es mundo kuazi tudu kriansas di zona nun altura ki partu na hospital era dificil pa grávidas ki ta moraba na lonji ou izoladas. Mas Nha Diminga, ku sol ou ku txuba, di noti ou di dia y alvez ku fomi na barriga ou sonu na cabesa nunca ka recuza bai presta si servisu a pessoas humildes ki ta pidiba si ajuda.
Ê di es forma ki ê trazi pa mundo criansas di Calheta, di S.Miguel y até di concelho di Santa Catarina ou di Tarrafal . Si unico farramenta era si 2 mon y un tizora pa korta biku. Ku si arti es grandi sinhora ki teni goci kuazi 100 ano di idade salva vidas di txeu grávidas y bebés. Ê tambe por isso ki hoje el ê un mudjer ruspetada y reconhecida na si zona.
Nha Diminga fazi si ultimo partu dja ten uns 6 ano kuandu dja ê tinha + di 90 ano. Hoje ê sta “reformada” mas si arte ka perdi pamodi ê enxina txeu otu pessoas es tecnica di ser partera, tecnica ki ê prendi na S.Tomé undi inda menina e bai kontratada pa trabadja na rosa.
Stória di Nha Diminga ê un storia di luta y di coragen, mas pa es mudjer kustumada ku enfrenta y venci morte si maior luta foi talvez kontra kes mininos ki ka ta kré naceba, mas na si mon ninhun ka morri.
Ku amor y dedicason ê fla ma ê ta lababa y limpa es mininos antis di entregaz san di saude pa ses mai.... Y ê ta partiba pa + un otu “mison”, talvez kel mison + bunitu ki ten na mundo pamodi era pa trazi un criansa pa es mundo.
Kel li ê un homenagem pa sinhora Domingas Gomes Monteiro mas tambe pa tudu parteras di Cabo Verde ki di lua a lua, di noti a noti, di rubera a rubera y di kutelu a kutelu ivita y kontinua ta ivita ki txeu mai perdi ses vida ou vida di ses fidju.
Kantu “like” ki es mereci? fonte:ok
COMMENTS