Portugal: Tentativa de homicídio, Jovem Caboverdiana gravemente agredidu ku Faca

Discuson entre vizinhas caboverdianas na Amadora, Portugal, resulta na um ferido. Ki sta envolvedo nes tragedia é um konxedu senhora caboverdiana ki txoma, Maria Hirondina

Discuson entre vizinhas caboverdianas na Amadora, Portugal, resulta na um ferido. Ki sta envolvedo nes tragedia é um konxedu senhora caboverdiana ki txoma, Maria Hirondina da Costa mas konxedu pa Dina, ki ê um de fundadoras de Associação Unidos de Cabo Verde.

Sexta fera ki passa, dia 8 de Julho, Maria Hirondina da Costa, djunta ku si filha Janine da Costa Fernandes e es agride ku faca ses vizinha de 20 anu de nome Melissa Patricia Baessa Gaspar.

Vizinhas djes tinha tido problemas ku kumpanheru antis, mas inda ka txigaba a ponto de usa arma. Mas sexta fera, por volta de 10:30, mae e filha ataca Melissa na prédio undi kes ta mora ki ta fika na Casal de São Braz.

Segundo vitima conta, filha pegal e mae (Maria Hirondina) dal vários golpe ku faca, ki panhal na braço e na mó. Na momento, kantu vitima fika gravemente ferido, foi propi agressora (filha) ki inda tenta socorri vitima, é maral um calça riba frida pa stanca sangue.

Es situason grave, faze familia de vitima fika revoltado e es bai tenta pega mae ku filha. E ku medo de ser agredidu pa familiares de menina ki es da pancada, Hirondina da Costa ku si filha Janine, es fuji, es bai busca proteson na esquadra de policia.
Vitima lebadu ku urgencia pa Hospital Amadora Sintra, mas ê transferido pa Hospital de Santa Maria, undi ki ê operado ku urgência. Vitima tevi ki tradu pele de perna pa poi na ferimentos.

Segundo autoridades, Maria Hirondina da Costa assumi na esquadra ma foi el ku si filha ki ataca jovem Melissa e es fla ma es atxa faca na txon. Familia de jovem ki agredidu, sta tudu revoltado e es kré justiça. Pa protege mae e filha, autoridades dja pos na um casa de protecção ki ta fika na Benfica.

Caboverdiana Maria Hirondina da Costa (Dina) é um mudjer de destaque na comunidade africano na Portugal, principalmente pa trabadjo ki é ta faze ku crianças e ku jovens. Pa alem de ser um de fundadoras de Associação Unidos de Cabo Verde, Maria Hirondina dja tevi um grupo di dança de ki bira muto famoso, grupo txoma Batoto Yetu. Ela é tambe coreógrafa de um grupo de dança de nome SANKOFA, dje kustuma participa na novela Única Mulher de TVI, dje participa na programa ''Dança com as Estrelas'' e dje faze vários otrus aparison publico de destaque.

Familias de vitima ta konsidera ma keli foi um tentativa de homicídio, e es kré torna es caso público, pamodi es senhora Maria Hirondina ta trabadja ku crianças. Familias dja kria um página na Facebook, undi ki es sta pidi justiça, e es sta exigi pa resolvedu kel kazu li mas rápido possivel, por meios judicial, antis ki kontisi um disgraça mas grande.

Onti domingo, Melissa dadu alta de Hospital e dje sta na casa. fonte:dypk