Relenbra autores de "Fogo na Pitada"

inda ta fazi parti “Trabessado” ki foi talvez un di kes primeru talaya baxu ki gravadu na vinil, “Mama gelado” y “Djonsa Firmi”

Recordason di “Os Apolos”
40 ANOS ATRAZ ES MUZIKA TEVI GRANDI SUCESU NA CABO VERDE
E primeru muzika di ladu B di “Recordaçăo”, disco di conjunto Os Apolos” lansadu na Europa na 1975. Ku Nhuta na viola baixu, Zé N’Tony na bataria, Kaka Gordu na guitarra, Cujam na tecladu , Chála na sax y falecidu Secré como vocalista.

“Os Apollos” foi di facto un di kes konjunto di muzika di Cabo Verde ki fazi + sucesu na kel época, nun altura ki muzicos y kompuzitores inda ta “brinkaba” ku situasons di dia-a-dia pa retrata na ses muzika sima na cazu di “Fogo na Pitada”. Di albun “Recordaçăo “ inda ta fazi parti “Trabessado” ki foi talvez un di kes primeru talaya baxu ki gravadu na vinil, “Mama gelado” y “Djonsa Firmi” ( tudu videos sta na YouTube)

Secré (centru na foto) morri na Praia na Janero di 2014 ku 59 ano di idade . El era y el é un di kes grandi intérprete di nos folklori muzical y na decada di 70 si voz ta obida na radio y na tudu salas di badju tantu na CV komo na diáspora.
Un di kes fundador di conjunto “Os Apollos”, Secré vivi txeu anos na Europa mas dipos ki konjunto kába ê muda pa CV na 1982. Foi na Praia, na varanda di Penson Paraizu undi ê ta moraba, ki nu ta kintaba pa nu obi si storias.... Tambe ê ta pegaba na viola pa ê rekorda sucesus di pasadu mas si grandi sonhu era grava un ultimo disco. Ka foi possivel, mas ê ta fika na memóoria como un grandi artista ki screbi si nome ku letra d’oru na storia di muzika di Cabo Verde y ki principalmenti soubi kapta kel sentimentu y kel vivencia di povu cabo-verdianu y expresal atraves di muzika. fonte:ok