Treinadores ta fla ma basquetebol di Indira ê mutu + di ki numeros y estatistica... Si amor pa jogo y paixon ki ê ta mostra na kampu ta trazi un otu alegria ki ta kontagia publico y colegas. Bon na difendi y bon na ataque
Ê Indira Evora, kapiton di equipa di basketebol fiminino di St Michael College, na cidade di Winooski, estado di Vermont.
Indira ta lembra mutu poku di Cabo Verde pamodi ê viaja pa Merka kuandu ê tinha 4 ano di idade pa reuni ku si mai Isabel ki dexal pa trás mas ki dipos manda buskal. Di terra undi ki ê naci so ê sabi kes stórias ki si mai ku si familia ta kontal mas ê fla ma un di si metas ê un dia vizita Cabo Verde pa ê re-discubri si raiz.
Indira kumesa ta juga basketebol ku 6 anos di idade, na cidade di Somerville, estado di Massachusetts. El era unica menina ki ta jugaba na Liga di rapazinhos y so + tardi ê ki ben entra na equipas femininas .
Pa alén di ser un excelente basquetebolista Indira ten també es kapacidadi di lideransa ki stal na sangui. Durante anos ê foi kapiton di equipa di basketebol fiminino di Liceu di Sommerville undi ê ta fika na ses “Livro D’Oru” komu segundu maior marcadora di sempri ( un total di 1.262 pontos na 4 anos ku un média di 21.4 pontos por jogo).
Foi tambe ku Liceu di Somerville ki Indira foi 4 bes “League All Star” pa alen di sagra kantu bes MVP di Liga di Boston y di fazi parti di seleson di Nova Inglaterra ki na 2012 entra na prestigiadu Torneio Nacional Junior di Estados Unidos “All Toournement Team” .
Pa prusigui si karrera desportivu y academico Indira “sina” pa St. Michael College na 2013 ( Tinha uns 60 colégios ta disputa si servisu.
Na Winooski , Vermont, es kriola di 19 anos logu sobresai non so komu atleta mas també komu lider, dentu y fora di kampu. Di forma ki foi ku naturalidadi ki Indira + un bes assumi komu kapiton di “Purple Knigts”, nome di equipa di meninas di colegio di St.Michaels ( apezar di ê gosta di difendi es “guarda” di 1 metru y 73 ê terceru midjor markador di si equipa ku un media di 10.1 pontos por jogo)
ROLE MODEL ...
Indira Evora ta odjadu kumu un izemplo, “un role model” pa raparigas di si idade sima aliaz direson di scola y propi “mayor” di si cidade ta reconheci. Ê ki pa alen di excelenti desportista es joven kriola ê també un studanti excepcional ( Na Liceu ê bai sempri pa kuadru d’honra y na colégio e ta sobresai komu studanti di Admnistrason di Negócios y Ciencias Politicas). Si objetivu ora ki ê kursa ê trabadja na Merka pa servisus di seguransa moda FBI ou “Homeland Security”.
Para já pa alén di “divirti” na juga basquetebol Indira sta “focadu” na si studu, sempri ta spera pa kel dia ki e ta poi pé na terra undi ki ê naci .... Y quem sabe komu Tubaron Azul na seleson nacional di Cabo Verde? fonte:ok
COMMENTS