USA: Joven Cabo-verdiano acuzadu di viola namorada na Brockton

Namorada fla policia ma si namorado tinha “pensamentos suicidas” y ma ê flal ma ê staba pusuidu pa demonio.

NAMORADA TA FLA MA Ê FLAL MA Ê STABA PUSUIDU...
Pusuidu pa demonio.

Foi pelo menus si ki namorada, ki també ê kriola, fla ma si namorado flal dipos di violal es kuarta-fera di noti na si caza na cidade di Brocton, na Merka.
Namorado ê Siguimar Mendes, un cabo-verdiano di 24 anos.

Siguimar foi dipos prezu nes mesmu noti na si caza y acuzadu di violason sexual, agreson ku arma prigozu, violencia doméstica, strangulason/sufocason y amiasa di morti. ...Aprezentadu na Tribunal (foto) Siguimar nega tudu acuzasons y juiz manda libertal ku un fiansa di 2500 dolar y na konsison di ka txiga pertu di “dita cuja”. Ê debi volta pa Tribunal dentu di uns 3 semana pa un primeru audiência.

Pa policia tudu kumesa kuarta-fera di noti kuandu es recebi un xamada di un vizinho ta flaz ma es namorada di Siguimar parci na si porta enbrudjadu so na tuadja ta pidil pa liga pa policia pamodi ê ka sabia papia inglez.

Ku apoio di un interprete namorada ben konta policia ma ê ten stadu ta namora ku Siguimar dja ten uns 3 mes mas pamodi Siguimar sta trai-ba “ela” ê sta pensaba na termina relason, so ki kuarta-fera Siguimar parci na si caza sen ser konvidadu. Ê dexal entra y dipos di djanta djuntu kumesa un discuson justamenti a volta di es cazu di traison.

Segundo namorada Siguimar xatia y dipos di amiasa dal ku fiu di luz si ê duspi ê rastal ti si kuartu undi ê violal “ multiplas vezes”.... Dipos, y inda di acordu ku alegada vitima, Siguimar bai ti cuzinha undi ê panha un faca y ê volta pa kuartu pa amiasal na kriolu ma ê ta matal... ma “omi na Merka ta mata mudjer dipos ta mata kabesa”. Foi nes mumentu ki es namorada ta fla ma ê fugi pa caza vizinho.

Es kriola també fla policia ma si namorado tinha “pensamentos suicidas” y ma ê flal ma ê staba pusuidu pa demonio.

Siguimar, ki ka ten kadastru kriminal, foi prezu poku dipos na caza undi e ta mora , també na Brockton.
Si advogadu ta fla ma ê nega tudu acuzasons y flal tambe ma namorada ta sufri di prublema mental ... fonte:ok