USA: Kumesa na Merka julgamento di ex-star di futebol acuzadu di mata 2 cabo-verdianos

Aaron Hernandez fla ma é ka el mata Daniel Abreu ku Safiro Furtado...

Atraves di si advogadu ê fla na Tribunal es kuarta-fera ma kenha ki mata es 2 jovens cabo-verdianos riba di un ponti na cidade di Boston na Julho di 2012 foi si amigo Alexander Bradley ki staba na carro djunto kol.

Bradley ê principal testemunha di es cazu pamodi na dia di krimi e staba djuntu ku es ex-jugador di Patriots nun night-club di Boston undi alegadamenti e odja Hernandez ta “perdi kontrolu” pamodi Daniel acidentalmenti dexa bebida salpical si ropa.

Justisa sta acuza Hernandez di ter seguidu na carro es 2 cabo-verdianos y di a sangue-frio mataz a tiro nun paragen na luz burmedju, mas di acordu ku si advogadu ka foi el : Na ses alegason verdaderu assassino ê Alexander Bradley ( odja si foto na kumentario) tambe un antigo jugador di futebol merkanu ki ta tambe ta acuza Hernandez di dal un tiro na rostu na 2013 nun strip-club di Miami (Alegadamenti Bradley tambe amiasa mata Hernandez).

Di forma ki es julgamento di Hernandez pa es duplo homicidio podi toma un novo rumo, ku Hernandez ta tenta inkulpa si ex-amigo...
Hernandez ka ten mutu pa perdi pamodi ê sta kumpri un sentensa di prizon perpetua sen kualker possibilidadi di sai pur morte di un si ex-amigo na North Attleborough, Massachusetts, na 2013.... Si ben for provadu ma foi el ki mata es 2 cabo-verdianos kuza ki ê podi perdi ( si inda ê teni) ê 6 milhons di dolares ki familiaris di Safiro ku Daniel sta pidi komu kompensason... Familiaris ki na Tribunal ka aguenta lagua kuandu advogadus di acuzason lembra forma “friu y kruel” modi es 2 jovens tradu vida . fonte:ok