Praia: "Djam custuma atxa camisinha na txom, na Cruz di Papa" - dezabafo di un criola

Un Caboverdiana sta indginado ku stadu di Cruz di Papa

un caboverdiana ki prefire fica anonima kre sabi bu opinion sobre es assunto: "Oi boa tardi
Nkre fica anonima por favor,

Cruz di papa foi inaugurado na 19 di maio di 2007.
Na epocas festivas é ta sta xeio i é ta atrai turistas pamodi é um homenagem di cabo verde a Papa João Paulo ||.
Na dia 19 é ta completa 10 ki é inaugurado.

Nta pergunta:
Pamodi ki na Cabo Verde txeu praças, parque, areas verdes ki ta fazedo pa nos uso tem ki ta straga?

É fazedo pa nos tudu, pa nu sta ku nos familia, amigos i fidjo pa bai divirti.
Bu ta atxa mininos dento cantero, lixo na cantero undi ki tem uns 4 ou 5 cestos di lixo.
Kes correntis ki tinha a volta di Papa dja tem anos ki ka sta, ora ku ta bem é um txero horrivel ki ta sta li i tem pessoas ki ta deta li.

Djam custuma bem n'atxa camisinha na txom é um lugar undi ki ta sta mininos i idosos.
Tem ki tomado medidas pamodi ka ta da. É ka so li na cruz di papa mas na kes "ginasios" ao ar livre la na Dinos kes ta teni pedra riba del é ta sta suju ka tem ninguem pa trena la.
Infelismenti nka teni fotos pa mostra.
Seguidores des pagina kuze ki nhos ta atxa."