"Sofré por amor"... N amabu tanto, Mas bu ca dam valor

Poema "Sofré por Amor" de Suely Barbosa & Anilton Levy

Suely, poetisa da ilha do fogo, convidou Anilton da ilha de Santiago para juntos escreverem um poema, e o resultado foi este...

Sofré por amor

N amabu tanto
Mas bu ca dam valor
N derrama prantos
De dor, de amor

Bo era razão de nha vida
Motivos nha alegria
Mas bu partida torna nhas dias escuro,
Triste y sofrido
Bu dixam ta sofré por amor

Sem bo
Nha corason ta kuspi lagrimas
Nha petu é friu
Nha sorizu é vaziu

Bu bai bu dexan
Ta modja fotografia di nos dos
Culpa é di bo, Ki ka sabi ama
Bu dexan na solidon
Ta txora, ta implora pa bu volta
Mas bu ka obi, bu ka liga, bu ka inporta

Bu pega nos sentimentu bu dismara
Flan kuzé é mi sem bo?
Nsabi ma tudu ferida ta sara
Ntem fé, un dia nta ri di bo

Suely Barbosa & Anilton Levy

OBI MUSICA: Sufri di Amor - Voz "Teletu" | Letra de Anilton Levy & Suely Barbosa

Leia mais um poema da autoria dos dois
N precisa desabafa

Suely:
N sta cheia
N precisa de un ajuda alheia
N precisa de un alguém pa obim
Mesmo qui el ca fram um sim

Um precisa de bo
Sim! Abo
Dam um minuto
Di bu tenpu
Mi um sta di luto
Pamode n ka sta xinti bentu
N ka sta xinte mundo
Mi um sta fundo

Anilton:
Podi papia
Podi abri ku mi
Un minutu é poku
Nsta li
Tudu tenpu ki bu kré

Nké ser luz di bu kaminhu
Podi bem
Nkré linpa bu lagrima
Dexan abrasou
Nkré alimenta bu alma

Nkré fazi parti bu alegria
Bu midjor conpania
Nké konpleta bu poesia

Autoria Suely Barbosa & Anilton Levy