Dor ta molda ser humano. Dor ta discadidja homi em padaz, ti k formal um novo homi.
Na altura ke ta txiga, maioria ta fugi. Dor k ta moldabu ta bem bistisdo de desapego, de medo, txoru e pa mais k kustau, na odjos de otos, bu dor tem um nome: drama!
Stranho era se nós tudo nu ta chintiba kel k nós semelhante ta chinte. Stranho era, se tudo alguem passaba pa mesmo kusa e teve mesmo experiência na vida. Stranho era se tudo kes k ta txomau de dramático, tinha razom pa tal!
Dor ta molda ser humano. Dor ta discadidja homi em padaz, ti k formal um novo homi.
Entende ma dor ta bem ku um propósito de inchinabu e enquanto bu ka prende, vida ta muda so provas ke ta pou passa pa el, mas na final de tudo, objetivo é sempre fazeu odja kel k bu ka odjaba.
Dor ta dabo capacidade de conchi bu cabeça, de tem nuçom de bus fraquezas mas também ta inchinabu valoriza bus pontos fortes!
Dor ta fazebu infrenta bu problema de cara, sem medo nem receio pamodi bu ka tem oto caminho sem ser chinte, kel dor ta queimabu pa dento oto bez, sem dor e sem piedade.
Dor é dor e ka é suposto é confundido ku mais nenhum oto sentimento. Dor ta transborda de coraçom balente mas tambem el é amigo de "fracos".
Dor ta limitabu mas tambe ta fazeu incherga imensidom de vida. Ta fazeu vive para além de bu umbigo.
Dor? Bem djobedu, el é bu midjor amigo. É kel tal k ka ta flau so kel k bu kre obi. É kel tal k nem sempre ta bem ku kusa mais sabi pa flau ou pa fazeu chinte...
Mas acredita, cada dor passado é um parte de fraqueza k fica pa traz e um sperança k abre na meio de um nada...k ta guiabu, ta ninabu e ta instruibu a ser midjor.
Ntom, viva es dor k ta due mas k ta inchinanu tambe.
Celebra vida! Ultrapassa obstáculos. Kria formas de contorna cada um des. ka bu djobi pa trás. Finca pé na terreno de hoje e dá força a kel kusa de mais bonito k sta dento bo: bu vontade de venci.
Vida fazedo pa celebra. Dor ku problema é passaporte de kenha k kre tra pé de terra massanpé pa mozaico.
Dor ta mexi ku strutura mas ta revela grandes campions tambe!
Dor, nha amigo, é kel certeza k bu meste po entende ma quanto mais dificil for um problema, mas habilidades bu ta desenvolve.
Dor? K dor? Nu txomal de amor se faz favor!
Dicla Gonçalves
Stranho era se nós tudo nu ta chintiba kel k nós semelhante ta chinte. Stranho era, se tudo alguem passaba pa mesmo kusa e teve mesmo experiência na vida. Stranho era se tudo kes k ta txomau de dramático, tinha razom pa tal!
Dor ta molda ser humano. Dor ta discadidja homi em padaz, ti k formal um novo homi.
Entende ma dor ta bem ku um propósito de inchinabu e enquanto bu ka prende, vida ta muda so provas ke ta pou passa pa el, mas na final de tudo, objetivo é sempre fazeu odja kel k bu ka odjaba.
Dor ta dabo capacidade de conchi bu cabeça, de tem nuçom de bus fraquezas mas também ta inchinabu valoriza bus pontos fortes!
Dor ta fazebu infrenta bu problema de cara, sem medo nem receio pamodi bu ka tem oto caminho sem ser chinte, kel dor ta queimabu pa dento oto bez, sem dor e sem piedade.
Dor é dor e ka é suposto é confundido ku mais nenhum oto sentimento. Dor ta transborda de coraçom balente mas tambem el é amigo de "fracos".
Dor ta limitabu mas tambe ta fazeu incherga imensidom de vida. Ta fazeu vive para além de bu umbigo.
Dor? Bem djobedu, el é bu midjor amigo. É kel tal k ka ta flau so kel k bu kre obi. É kel tal k nem sempre ta bem ku kusa mais sabi pa flau ou pa fazeu chinte...
Mas acredita, cada dor passado é um parte de fraqueza k fica pa traz e um sperança k abre na meio de um nada...k ta guiabu, ta ninabu e ta instruibu a ser midjor.
Ntom, viva es dor k ta due mas k ta inchinanu tambe.
Celebra vida! Ultrapassa obstáculos. Kria formas de contorna cada um des. ka bu djobi pa trás. Finca pé na terreno de hoje e dá força a kel kusa de mais bonito k sta dento bo: bu vontade de venci.
Vida fazedo pa celebra. Dor ku problema é passaporte de kenha k kre tra pé de terra massanpé pa mozaico.
Dor ta mexi ku strutura mas ta revela grandes campions tambe!
Dor, nha amigo, é kel certeza k bu meste po entende ma quanto mais dificil for um problema, mas habilidades bu ta desenvolve.
Dor? K dor? Nu txomal de amor se faz favor!
Dicla Gonçalves
COMMENTS