Portugues Mario Chaves é novo "homi-chave" di TACV...
Ê ta toma posse ja na prosima segunda-fera komu diretor ezecutivo nomiadu pa grupo Icelandair ki ta ben giri TACV na prosimus 12 meses… Kontratu di geston foi sinadu es kinta-fera y governo di Cabo Verde komprumeti na paga es kompanhia di bandera islandeza 925 mil euros pa fazel es trabadju duranti un ano( 100 mil euros na primeru mes y dipos 75 mil euros tudu mes).
Icelandair, pa si ladu, ta kumprometi na expandi negocio y fluxu di TACV ku + uns 5 avion ti 2018 ku objetivu di transforma Cabo Verde nun hub aéreo ku kapsidadi di “distribui” passagerus pa 4 kantu di mundo ( resta sabi si aeroportos di Cabo Verde sta preparadu pa es tarefa).
Di kualker forma dipos di entrega voos domesticos na mon di espanhois di Binter ministro di economia José Gonçalves fla ma kel li e un soluson “arrojadu” ki governo atxa enkuantu sta speradu pa privatizason di ki kel ki inda resta di TACV … Pra já kenha ki ta ben giril na prosimus 12 meses ê portuguez Mario Chaves, coadjuvadu pa un equipa di ezecutivos di Icelandair (cabo-verdiano José Luís Sá Nogueira ta manti komu Prezidenti do Conselho de Administrason mas so pa tchenta kadera).
Antis di disloka pa Cabo Verde Mario Chaves sta okupaba cargu di asistenti di vice-prezidenti di operasons di Icelaindair, dipos di trabadja komu konsultor pa es mesmu empreza di aviason civil. Piloto di formason, Chaves foi komandanti di TAP ti altura ki ê entra na IATA na 2013… Resta sabi si ê ta konsigui abri ou nau es komplikadu porta di TACV ki dja dura enferrujadu.
( Icelandair ê kompanhia di bandera di Islandia, ku sedi na Keflavík. E ten 32 avions tudu Boeing y ê ta fazi voos pa 24 sidades na 12 paizes, inkluindu Estados Unidos, y e ta transporta uns 2 milhon di passagerus pur anu). Fonte:ok
Icelandair, pa si ladu, ta kumprometi na expandi negocio y fluxu di TACV ku + uns 5 avion ti 2018 ku objetivu di transforma Cabo Verde nun hub aéreo ku kapsidadi di “distribui” passagerus pa 4 kantu di mundo ( resta sabi si aeroportos di Cabo Verde sta preparadu pa es tarefa).
Di kualker forma dipos di entrega voos domesticos na mon di espanhois di Binter ministro di economia José Gonçalves fla ma kel li e un soluson “arrojadu” ki governo atxa enkuantu sta speradu pa privatizason di ki kel ki inda resta di TACV … Pra já kenha ki ta ben giril na prosimus 12 meses ê portuguez Mario Chaves, coadjuvadu pa un equipa di ezecutivos di Icelandair (cabo-verdiano José Luís Sá Nogueira ta manti komu Prezidenti do Conselho de Administrason mas so pa tchenta kadera).
Antis di disloka pa Cabo Verde Mario Chaves sta okupaba cargu di asistenti di vice-prezidenti di operasons di Icelaindair, dipos di trabadja komu konsultor pa es mesmu empreza di aviason civil. Piloto di formason, Chaves foi komandanti di TAP ti altura ki ê entra na IATA na 2013… Resta sabi si ê ta konsigui abri ou nau es komplikadu porta di TACV ki dja dura enferrujadu.
( Icelandair ê kompanhia di bandera di Islandia, ku sedi na Keflavík. E ten 32 avions tudu Boeing y ê ta fazi voos pa 24 sidades na 12 paizes, inkluindu Estados Unidos, y e ta transporta uns 2 milhon di passagerus pur anu). Fonte:ok
COMMENTS