Kabu verdi di meu, Bus fidjus gossin ta disprezabu Pamodi un dia bu pos na séu
Kabu verdi
Kabu verdi di meu
Kenha k dabu es distinu
Kabu verdi
Kabu verdi di meu
Gossin ka sta kantadu mas bu hinu
Ai déz pikenus padás di terra
Grandis lutas sempre bu dadu
Bu stória sempri foi stória di guerra
Mas hoje bu sta injuriadu
Na un kantu fuliadu
Kabu verdi
Kabu verdi di meu
Bus fidjus gossin ta disprezabu
Pamodi un dia bu pos na séu
Bus heróis morri cedu
Gossin bu ka sta kredu
Kabu verdi
Kabu verdi di meu
Di bus kampus gossin fazedu simitériu
Simitériu até di língua de Camões
Edukasson di bus povus
Gossin é tudo un mistériu
Nu ka tem mas Amilcar Cabral
Nu ka tem nem siquer hinu nacional
Pamodi na português el ta kantadu
Nós lider gossin ka ta djobi pa ladu
Kabu verdi
Kabu verdi di meu
Gossin ka tem mas tabanka nem finasson
Pamodi manda boka bira kanson
Kabu verdi
Kabu verdi di meu
Desdi inisiu pikinoti
Mas gossin ku grandis bankus
Ku povu baxu di xikoti
Di un mal k é brankus
Gossin trés vezis dós é igual a doze
E Maria é nomi di homi
Nós líder kabu verdi
Sta mas fraku k un korreia
E inquanto isso bu povu ta morri di fomi
Kabu verdi
Kabu verdi di meu
Ka sta faladu mas mal di europeus
Pamodi dés bés és ben di avion
E Deus ki djuda nós é ka judeus
Morna pa papia di bó ka tem más
Gossin sta papiadu di un tal di amor
Un tal ki nunka nu konxi
Dimokrasia inda sta sukundidu
Debi ser el sta morri di burgonha
Óh també medu di ser konfundidu
Kabu verdi
Kabu verdi di meu
Um bés bó era berdi
Mas gossin bu kor dja ká perdi
Bus terras sta sima fomi korenta
Limárias otu nem ka sta aguenta
Gossin bu tem uns homi txumadu di tubaron
Txumadu di tubaron azul
És sim és ta labanta bu bandera
És sim és sta fazi di bó un nasson
Di Santo Antão a Brava
Di Norti ti txiga Sul
Ka sta ruspetadu mas Germano Almeida
Ka sta lembradu mas di Eugénio Tavares
Bus musikas gossin dja bira bedjus
Gossin nu kre obi é kumi bebi
Politikus ka kre sabi di ninhum di bus konsedjus
I ti errus na librus és sta ta skrebi
Exágunu gossin dja bira ku 5 ladu
Bandidus també dja sta bisti fatus
Na palásius és sta ta atxadu
E ta fazi di pobris sés pratus
Bu povu ka é mas indipendenti
5 di Julho gossin bira di un partidu
13 di janeru di kel otu
Na gramátika gossin errus bira assidenti
Bus leis, di ganansia sta inkartidu
Kabu verdi
Kabu verdi di meu
Un dia Cabral ta torna po pé na bus terras
Des bés europeu ninhum ta diskubribu
Un dia limárias ta korri livri na bus serras
E nunka más bu ta volta ser katibu
Palavras de Carlos Xavier Lopes
Kabu verdi di meu
Kenha k dabu es distinu
Kabu verdi
Kabu verdi di meu
Gossin ka sta kantadu mas bu hinu
Ai déz pikenus padás di terra
Grandis lutas sempre bu dadu
Bu stória sempri foi stória di guerra
Mas hoje bu sta injuriadu
Na un kantu fuliadu
Kabu verdi
Kabu verdi di meu
Bus fidjus gossin ta disprezabu
Pamodi un dia bu pos na séu
Bus heróis morri cedu
Gossin bu ka sta kredu
Kabu verdi
Kabu verdi di meu
Di bus kampus gossin fazedu simitériu
Simitériu até di língua de Camões
Edukasson di bus povus
Gossin é tudo un mistériu
Nu ka tem mas Amilcar Cabral
Nu ka tem nem siquer hinu nacional
Pamodi na português el ta kantadu
Nós lider gossin ka ta djobi pa ladu
Kabu verdi
Kabu verdi di meu
Gossin ka tem mas tabanka nem finasson
Pamodi manda boka bira kanson
Kabu verdi
Kabu verdi di meu
Desdi inisiu pikinoti
Mas gossin ku grandis bankus
Ku povu baxu di xikoti
Di un mal k é brankus
Gossin trés vezis dós é igual a doze
E Maria é nomi di homi
Nós líder kabu verdi
Sta mas fraku k un korreia
E inquanto isso bu povu ta morri di fomi
Kabu verdi
Kabu verdi di meu
Ka sta faladu mas mal di europeus
Pamodi dés bés és ben di avion
E Deus ki djuda nós é ka judeus
Morna pa papia di bó ka tem más
Gossin sta papiadu di un tal di amor
Un tal ki nunka nu konxi
Dimokrasia inda sta sukundidu
Debi ser el sta morri di burgonha
Óh també medu di ser konfundidu
Kabu verdi
Kabu verdi di meu
Um bés bó era berdi
Mas gossin bu kor dja ká perdi
Bus terras sta sima fomi korenta
Limárias otu nem ka sta aguenta
Gossin bu tem uns homi txumadu di tubaron
Txumadu di tubaron azul
És sim és ta labanta bu bandera
És sim és sta fazi di bó un nasson
Di Santo Antão a Brava
Di Norti ti txiga Sul
Ka sta ruspetadu mas Germano Almeida
Ka sta lembradu mas di Eugénio Tavares
Bus musikas gossin dja bira bedjus
Gossin nu kre obi é kumi bebi
Politikus ka kre sabi di ninhum di bus konsedjus
I ti errus na librus és sta ta skrebi
Exágunu gossin dja bira ku 5 ladu
Bandidus també dja sta bisti fatus
Na palásius és sta ta atxadu
E ta fazi di pobris sés pratus
Bu povu ka é mas indipendenti
5 di Julho gossin bira di un partidu
13 di janeru di kel otu
Na gramátika gossin errus bira assidenti
Bus leis, di ganansia sta inkartidu
Kabu verdi
Kabu verdi di meu
Un dia Cabral ta torna po pé na bus terras
Des bés europeu ninhum ta diskubribu
Un dia limárias ta korri livri na bus serras
E nunka más bu ta volta ser katibu
Palavras de Carlos Xavier Lopes
COMMENTS