Novos livros di scola ten pelo menus 266 erros... Burrice ou Dislexu ?

Falhas gravi nun instrumento fundamental di aprendizagen ki devia sta cientificamenti kuretu y ben organizadu

Ê erros bazikus ki kualker alguén podi deteta.
Na livro di matemática di 1º e 2º anos , pur izemplu, erro ta kumesa na kapa undi sta scritu «Matimatica Manual» en vez di «Manual de Matemática».

Mas sima ta fladu pa kapa ku ta konxi livro :
Si bu abril bu ta odja la dentu ma pur izemplu 2X3 ta da 12 ou ma un um hexágono ê un poligono ku 5 ladu y ma un pentágono ten 6 ladu.

Mas alen di konta ku rezultadu erradu y troka na identificason di figuras es «Matimatica Manual» ta aprezenta tcheu otus “arbitrariedades” …. 31 di Dezembro pur izemplu foi “iliminadu” di mesmu forma komu Agosto ku Outubro passa ta ten so 30 dias…
Ten inda exercicios de decompuzison di numero ki ta pidi alunos pa fazi “decompo” , pur exemplo, 5.000 = 9.000 X----- ou 5.000 = 11.000X----.

Erros nes novos manual escolar ê mutu tcheu pa konsideradu “gralha” ( gralha ê hora ki pur lapzu un erro ta surgi nun texto escrito).

Ê falhas...
Falhas gravi nun instrumento fundamental di aprendizagen ki devia sta cientificamenti kuretu y ben organizadu y undi erros y situasons enganadoras devia ser evitadu a todu kustu.

Y ê nes pontu ki bu podi pergunta: Kenha ki fazi revizon ou ki “certifica” es manual escolar ?

Ki surgi komu responsavel pa revizon ê Adriana Mendonça, diretora di Educação… Ê fla ma es erros ( 266 ja detetados, maioria na manual di portuguez) ê fla ma es “erros” ka devia staba la mas ma ê “natural” ja ki Ministerio de Educação ka ten “equipas de revisão científica ou pedagógica, nem equipa exclusivamente dedicada à edição “, edição ki di restu stevi a kargu di um empreza sueca.
Mendonça inda fla ma alunos ta kontinua ta prendi nes livros xeiu di erros ja ki Ministerio di Educason ka sta traz di circulason … soluson ê fla ma ê pruduzi “erratas” pa djuda prufesor ultrapasa es prublema.

Produson di es livros escolar envolvi certamenti txeu trabadju y txeu rekursu…. “ Gralhas” sempri ta kontisi, mas fadjas di kel li ê injustificável ( Ê ka burrisi nen falta di conhecimento … ê dislexu. Tenta justifical ê demagogia) fonte:ok