"Cabo Verde tem jogadores pa staba na mundial" - Ronny

Ex-internacional cabo-verdianu inkonformadu ku auzensia di Cabo Verde na Mundial di Russia 2018

Pa Ronny Cabo Verde ten seleson pa staba na kopa …

Ê bisti 20 bes kamizola di seleson di Cabo Verde y na 2012 ê marka primeru golo na vitoria 2-1 kontra Camarões ki permiti Cabo Verde kualfika pa primeru bes pa un Copa d’Africa.. .
Ronny Souto dexa seleson logu dipos di CAN 2013 mas desdi Luxemburgo undi ê ta vivi e fla ma sempri ê sigui ku atenson jogos di Cabo Verde y sima tudu cabo-verdianos sempri ê sunha na odja si terra un dia ta bai Mundial.

Pa Ronny ê purtantu “un pena” odja Cabo Verde fora di es Mundial 2018 , Cabo Verde ki sima ê fla ten jugadoris kapaz di atinji es objetivu, jugadores prufisional ki sta habituadus a alta kompetison….Ê ta spera ma Federason també ta “prufesionaliza” pa nomiadamenti midjora infra-estruturas pa ki futebol cabo-verdiano podi prugridi.

Ronny teni 39 anos mas ê kontinua ta ser un figura inkortornavel di futebol na Luxemburgo (BGL Ligue). Dipos di ganha 4 titulo di kampion y un Taça di Luxemburgo ku CS Fola es antigo jugador di Sporting di Praia sta desdi 2016 ta juga na Hamm Benfica, di divizon di honra .... Pra ja ê ka teni ideia na guarda bota : Ê fla ma e sta kontinua ta juga + pur amor y paixon pa ku futebol. fonte:ok