Fogo: Doente nun stadu gravi dja ten un semana ta spera lugar na avion pa lebal pa Praia

Denunsia sai di dentu di hospital regional di Fogo.

Di akordu ku es fonte hospitalar ki kré fika na anonimatu ten un doenti ku gravi hemorragia interna (kuazi ta morri sima e ta fla) ki dja ten un semana ta spera pa un lugar na avion pa lebal pa Praia
Nome di doente ê Joaquim “Pescador”, de São Jorge (na foto) y di akordu ku es fonte es senhor dja ten mais di un semana ta perdi sangui y nes mumentu ê sta “na porta da morte” si ê ka evakuadu urgentimenti pa Hospital di Praia undi ê ten mais xansi di sobrevivi.

Es mesmo fonte ta fla ma es doente ka st’atxa lugar n’avion pamodi tudu voos sta lotadu pamodi “es dias Fogo sta ku txeu turistas”. Objetivu di es denunsia é somenti tenta sensibiliza kompanhia di aviason na sentidu di djuda salva un vida, tantu mais ki kuazi tudu kompanhias aéreas do mundo ta da prioridadi a doente y ta garantiz un tratamentu diferensiadu. Pamodi ki na Fogo nau? fonte:ok