es kultura ta rabaxa ou ê ta valoriza mudjer kauverdiana?
Toma kazu di Arcelinda.
Arcelinda ( Arcy) ê un mudjer bunita, na kaza 40, intilijenti, formada y informada…. Desdi ki e divorsia di si maridu (metadi/metadi) ê ta vivi “enkostadu” na Arnaldo.
Arcy ê ka mudjer di Arnaldo pamodi Arnaldo e kazaku ku si mudjer. Tambe ê ka si “rapariga” na verdaderu sentidu di es palavra pamodi Arcy ta fla ma ê ka kre omi djuntu kol pa trapadjal na pê ( Ê ta fla ma el ê dona di si kaza y sinhora di si kabesa). Txabi di si kaza nunka e da Arnaldo.
Embora Arcelinda ki ê funsionaria publika ta ganha kuazi sima Arnaldo ki ê kontabilista ê Arnaldo ki ten ki “banka” ku kuazi tudu gastu di Arcy ( un dia ê dinheru pa djuda paga renda, otu dia ê fatura di luz ku agu, telemovel, ropa ku sapatu, jantar fora un bes pa semana pa alen di otu “soku na rostu” ki Alcy di ves en kuandu ta iziji)
Arnaldo sabi ma Arcy sta sail karu mas ê ka ta dexal pamodi ê ta fla ma e gosta d’el….. Ê sabi també ma dia ki ê dexa di “banka” ma Arcy ta pol di ladu pamodi Arcy ta flal klaru ma ê mesti omi mufinu …. Di forma ki Arnaldo tudu mes ten ki fazi “estratagemas” pa kubri gastu di si kaza satisfazi “kaprixus” di Arcy.
RUTURA KU TRADISON ?
Aecy ta fazi parti di es novu gerason di mudjeris cabo-verdianas ( prinsipalmenti di sidadis) ki ta fla ma es ka ta dipendi di omi pa sobrivivi: Mudjeris forti, disididas, ki sabi valor ki es ten ( es ses seguransa al-ves ta intimida omi ki seguramenti ka sigui es evuluson mental).
Es kriolas di nova vaga (funsionarias, medicas, enfermeras, prusoras, studantes universitarias, etc ) es kriolas “pa frentex” ki ta fazi parti di es nova klasi media na Cabo Verde , es kriolas kre LIBERDADI ( incluindo liberdadi sexual)…. Sima Alcy txeu d’es ten ses “alguen sertu” mas també ocazionalmenti es ta da ses “volta” ( Sem kumprumisu) …Sima Arcy fidju txeu tambe es ka kre pamodi es ta fla ma funson di mudjer ê ka so reproduzi ku orienta kaza ( na kaza é també es ki ta manda).
KONTRADISON?
Ê es “damas” rializadas ki ta iziji igualdade de genero y ki ta asumi komu mudjer “independente y emansipada” ki nu entantu ta aseita ou até ta iziji “soku na rostu” (un expreson ki ten un sertu carga violentu y ki di sertu forma podi simbuliza ou nau kel tradisional dominio di omi sobri mudjer)
Omi kauverdianu sempri pêta mudjer ( ê sociologiku). Ten 2 ou 3 mudjer na pé pa dumina ta daba omi un sertu prestigio y ta alimentaba si auto-estima... Mas oji en dia es es nova gerason di kriolas ka kre dexa ser dumindu ( Ninhun omi ka ta subis na katxu) nen es ka ta a-seita di boka kaladu tudu kuza ki omi kré …. Es ta aseita , e verdadi, pa omi “disfruta” di ses korpu mas en en troka di sertus favoris material, ki txeu bes objetos di konsumu ( ropa, sapatu, eletronikos, etc).
Pa uns es atitudi di mudjer na “mercantiliza” si korpu ka ta dexa di ser kontraditorio ku es vontadi di auto-afirma y di ser ruspetada na sosiedadi . Pa otus nau.
Pa otus “soku na rostu” ta ben reforsa propi autonomia y puder di mudjer pamodi ku dinheru d’omi es ta leba vida ki es kré (livri y indipendente) …Tantu + ki sima txeu ta fla si omi ka ta das kel amor ku ruspetu ki es meresi pelo menus pa das dinheru .
Ki sta dizorientadu ê omi kabu-verdianu ki sen mutu dinheru pa da mudjer ta manxi ta txora trabadju ki ka ten. Y dipos mentalidadi di omi ka mutu muda ( Ten txeu ki inda ta konsidera mudjer komu inferior y objetu di si prazer)
Mudjer nau …
Mudjer cabo-verdiana “evolui” y ten stadu ta apruveita tudu oportunidadi pa studa pa avansa na vida pa liberta di duminason d’ omi. “Soku na rostu” podi ser + un estratagema pa skapa di es dominio….Sin ou nau? fonte:ok
Arcelinda ( Arcy) ê un mudjer bunita, na kaza 40, intilijenti, formada y informada…. Desdi ki e divorsia di si maridu (metadi/metadi) ê ta vivi “enkostadu” na Arnaldo.
Arcy ê ka mudjer di Arnaldo pamodi Arnaldo e kazaku ku si mudjer. Tambe ê ka si “rapariga” na verdaderu sentidu di es palavra pamodi Arcy ta fla ma ê ka kre omi djuntu kol pa trapadjal na pê ( Ê ta fla ma el ê dona di si kaza y sinhora di si kabesa). Txabi di si kaza nunka e da Arnaldo.
Embora Arcelinda ki ê funsionaria publika ta ganha kuazi sima Arnaldo ki ê kontabilista ê Arnaldo ki ten ki “banka” ku kuazi tudu gastu di Arcy ( un dia ê dinheru pa djuda paga renda, otu dia ê fatura di luz ku agu, telemovel, ropa ku sapatu, jantar fora un bes pa semana pa alen di otu “soku na rostu” ki Alcy di ves en kuandu ta iziji)
Arnaldo sabi ma Arcy sta sail karu mas ê ka ta dexal pamodi ê ta fla ma e gosta d’el….. Ê sabi també ma dia ki ê dexa di “banka” ma Arcy ta pol di ladu pamodi Arcy ta flal klaru ma ê mesti omi mufinu …. Di forma ki Arnaldo tudu mes ten ki fazi “estratagemas” pa kubri gastu di si kaza satisfazi “kaprixus” di Arcy.
RUTURA KU TRADISON ?
Aecy ta fazi parti di es novu gerason di mudjeris cabo-verdianas ( prinsipalmenti di sidadis) ki ta fla ma es ka ta dipendi di omi pa sobrivivi: Mudjeris forti, disididas, ki sabi valor ki es ten ( es ses seguransa al-ves ta intimida omi ki seguramenti ka sigui es evuluson mental).
Es kriolas di nova vaga (funsionarias, medicas, enfermeras, prusoras, studantes universitarias, etc ) es kriolas “pa frentex” ki ta fazi parti di es nova klasi media na Cabo Verde , es kriolas kre LIBERDADI ( incluindo liberdadi sexual)…. Sima Alcy txeu d’es ten ses “alguen sertu” mas també ocazionalmenti es ta da ses “volta” ( Sem kumprumisu) …Sima Arcy fidju txeu tambe es ka kre pamodi es ta fla ma funson di mudjer ê ka so reproduzi ku orienta kaza ( na kaza é també es ki ta manda).
KONTRADISON?
Ê es “damas” rializadas ki ta iziji igualdade de genero y ki ta asumi komu mudjer “independente y emansipada” ki nu entantu ta aseita ou até ta iziji “soku na rostu” (un expreson ki ten un sertu carga violentu y ki di sertu forma podi simbuliza ou nau kel tradisional dominio di omi sobri mudjer)
Omi kauverdianu sempri pêta mudjer ( ê sociologiku). Ten 2 ou 3 mudjer na pé pa dumina ta daba omi un sertu prestigio y ta alimentaba si auto-estima... Mas oji en dia es es nova gerason di kriolas ka kre dexa ser dumindu ( Ninhun omi ka ta subis na katxu) nen es ka ta a-seita di boka kaladu tudu kuza ki omi kré …. Es ta aseita , e verdadi, pa omi “disfruta” di ses korpu mas en en troka di sertus favoris material, ki txeu bes objetos di konsumu ( ropa, sapatu, eletronikos, etc).
Pa uns es atitudi di mudjer na “mercantiliza” si korpu ka ta dexa di ser kontraditorio ku es vontadi di auto-afirma y di ser ruspetada na sosiedadi . Pa otus nau.
Pa otus “soku na rostu” ta ben reforsa propi autonomia y puder di mudjer pamodi ku dinheru d’omi es ta leba vida ki es kré (livri y indipendente) …Tantu + ki sima txeu ta fla si omi ka ta das kel amor ku ruspetu ki es meresi pelo menus pa das dinheru .
Ki sta dizorientadu ê omi kabu-verdianu ki sen mutu dinheru pa da mudjer ta manxi ta txora trabadju ki ka ten. Y dipos mentalidadi di omi ka mutu muda ( Ten txeu ki inda ta konsidera mudjer komu inferior y objetu di si prazer)
Mudjer nau …
Mudjer cabo-verdiana “evolui” y ten stadu ta apruveita tudu oportunidadi pa studa pa avansa na vida pa liberta di duminason d’ omi. “Soku na rostu” podi ser + un estratagema pa skapa di es dominio….Sin ou nau? fonte:ok
COMMENTS