"Djam kansa de tanto crime dento de um país k é pikinote"... Es texto é pa tudu Caboverdiano

Mensagem e preucupason di um caboverdiana, texto dedicado pa tudu caboverdianos

"N podia te skrebeba es texto na português komo nten kustumo a skrebe, mas n sta skrebel na kriolo, pmd é pa tudo kaboverdianus k nsta skrebel, é um texto limitado apenas pa kabuverdianus.

 Tudo dia kuzas mas k nta odja na paginas notisiosos e na televisao é morte de um tal alguém, um indivíduo foi asasinado pa kel oto e tudo indika que é ajuste de konta, entre grupo rivais de thug como se es ajuste de konta fosse algo normal. Komo se mata alguém é algo que dja bira moda, e até n obi komentarios " basta ka é nha família pode morre", e nta pergunta na k mundo k no sta vive, nka mutu de akredita na apokalipese mas aju k é keli k sta ta kontese, fidjo ta mata se proprio pai, irmon ta mata irmon, kada um ta kria se grupo de thug ta forma um nome komo se é mindjor kuza k existe na mundo. Respetu ka existe mas. Maioria de jovens ka kre trabadja, kre so toma de oto, ameasa e as vezes t tra vida pa pode toma kel k atxa de midjor ko se proximo, um pobre kaboverdianu moda el, k luta pa ten kel k el ba toma, komo se vida pa tudu alguém é fasil moda bibe um kopo de agu. Djam kansa de odja alguém joven kun futuru lindo pa frente ta morre, djam kansa de odja nha irmon kun odjo intxadu, e oras k n perguntal kuzé k kontese el ta responde "é un thug k dan kasubody e pmd n reagi e dan ko soko".

Djam kansa de tanto crime dento de um país k é pikinote.
Djam kansa de tanto reklamasao de governos k ka sta odja pa nos país, djam kansa de obi ma no ka ten bons Polísia na nos país, e de fato é verdade sim. Mas e bo? kuze ko sta faze po midjora situação de nos país in vez de reclama.?

Keli é tudo kuzas k sta kontise nun país unde tudu alguém devia trataba tudo alguém komo irmon, mas e tudo kontrario, no ta odja nos proximo komo un stranhu ou talves un inimigo.

E pa nhos pais nhos eduka nhos fidju enquanto é tempo, enxinal kel k dretu desde pikinote, pamode edukasão ta ben de berso, tudo kel k un kriansa ta ben ser oras k el ser jovem ten base na kel k bo inxinal, tem base na kel exemplo k bo dal pel sigui.

No muda nos kabesa, no djuda kenha k nu poder djuda, no para de reklama sem faze nada, no reklama sim, mas no faze algo pa mindjora. No djunta mon pa um Cabo Verde mindjor."