Djaniny marka 6 golu na 4 jogo, Julio marka 4 golu na 4 jogu, Edy sta afirma komu un di kes basketebolista + influenti na Europa
EDY ( O INSUPERÁVEL)
Edy ê talvez kel izemplu + kompletu di luta y perseveransa… Dipos di un pasagen konturbadu pa NBA ê tranzita na mes di Novembru pa galáticos di Real Madrid komu “soluson di emergência”… So ki nen dirigentes di ekipa di basketebol di Real ka sta speraba ma na kurtu tempu di 2 mes es jugador di 2 metru y 20 di altura ta tornaba nun di kes jugador + dominante na Europa y un di kes + influenti di Liga Endesa undi na ultimos 5 jogos ê supera 20 pontos di valorizason y e dexa tudu alguen ku impreson ma ê imbativel…També estatisticas global di Edy Tavares na Euroliga ê impresionanti… El ê simplismenti segundo maior blokiador y sestu masimu resaltador di es kompetison kontinental. Ê talvez grasa a versatilidadi y forsa di Edy Tavares ki Real Madrid e + un bes kandidatu pa ganha Euroliga.
DJANINY ( O FENÓMENO)
Na primeru 4 jornadas di Torneio de Encerramento di Liga Mexicano di Futebol (LX) Djaniny marka 6 di kes 10 golos di Santos Laguna y izuladu ê sta lidera lista di goliador ( dja ê marka + golos ki maioria di ekipas di LX).
Mas si Djaniny ê oji jugador di “moda” na Liga Mexicano y indispensavel na Santos laguna nen sempri ka foi si…..Kuandu na 2014 treinador Pedro Caixinha aprezental komu un jugador kompletu, ku karacteristikas similar a di togolez Emmanuel Ademayor ninguen na Santos ka akredita... Apezar di juga nun liga ki ta pratika un futebol diferenti y di vivi nun sidadi ku kustumi diferensi di si Santa Cruz natal es joven kabu-verdianu prova ma ku trabadju y determinason tudu ê possivel y dipos di 2 temporadas ta “marka-pasu” finalmenti ê despersa si veia goliadora y e sta mostra ma ê sta imparavel.
JULIO ( O RECORDISTA)
Na dia 13 di Janeru kontra Metz Julio marka golu + rapidu di Ligue 1 ( 30 segundo di jogo) dipos di na mes di Outubro bati rekordi di Sebastian Ribas komu maior goliador di sempri di Dijon FCO (56 golos).
Apezar di un lezon ki kolokal fora di kampu na mes di Dezembro Julio Tavares regresa en forsa y nes mes di janeru dja ê marka 4 golos na 4 jogos y e sta kontinua si “mano- a-mano” ku Cristiano Ronaldo ki na Real Madrid teni un golo di avansu….Cristiano Ronaldo ki alias na kumenta admirason di si fidju pa es atakanti cabo-verdiano fla ma Cristiano Jr. ê intiligenti y ma e ta apresia bons jugadoris sima si pai.
Pois ê... sima si kolegas di Dijon ta fla “ il est beau, il vient du Cap Vert”.
Ê Julio.
Julio Tavares.
Fonte:ok
COMMENTS