Ngosta de ser berdiana e ngosta de expressa na lingua dimeu...
Kenha ke Dicla?
Hahahha (oh mundo). Dja fladu um vez e nta concorda plenamente: fala de nós é tarefa mais complicada k tem. Vamos embora então. Dicla é um menina simples, amiga de ses amigos, sonhadora e muito brincalhona; lutadora e txeu determinada.
Quando k começa es interesse pa skrevi?
Aii, kel pergunta li é fixe e ta fazem fala de midjor parte de nha infância. Bem, kenha k conchi nha pai minimamente, sabe ma alem de sis mil qualidades, el é um homi muto brincalhão e k tem comberso sabi. O k poucos sabi é k es mesmo homi, ta skrebi desde sis 15 anos mais ou menos.
Horas k nsa fla skrebe, nsa fala desde poemas, contos, entre outros generos literários. Ntom... sem fugi de pergunta, nha interesse pa skreve, surge na kanto ntinha mais ou menos 11 pa 12 anos.
Na altura nu tinha kes makinas de skrebi a mo. Papa ta passaba horas na kel maquina ta faze poemas mas nunca é imaginaba man ta spretaba el enquanto é sa skreveva. Até k, um dia é inchinam mexi na kel bendita maquina, so k papa ta flaba mi pam skreve so nha nome (hahaha). Nhaguenti forte alegria na mundo!! Txiga um dia k ncansa de poi nha nome e nkis skrebi um texto dimeu mas nfronta ku kusa de faze pmd inspiração era lebi.
Ntom tudo kusinha k nskrebi nta guardaba pe ka odja, já k era suposto nskrebeba so nha nome. Ate k um dia nbem descubri undi ke ta guarda tudo kes kusas k é tinha skrito e foi ali k tudo começa a nha vida.
Npega na um poema dicel k titulo era "Tarrafal" e n'encanta ku perfil de nha pai na kel texto e ali ndetermina man kre empenha pam skrebi kusas bonitos k ta toca alguem moda poema de papa tocam.
So k... papa ka sabia man ta leba e man ta copiaba se manera de skreve. So pa nhos tem nuçom de nivel de babosidade de nha parte, nta skrebeba na costa de si poema. Nta poba mesmo titulo e nta inventa go pa fica diferente. E assim, nganha um amor indescritível pa escrita. Anos passa e ncomeça ta ganha nha estilo proprio de skrevi e nganha nha personalidade e n'encontra estilo literário k mais ta adequa a mi.
Kuse k nu ta encontra na bus escritas?
Desde muito cedo, ndetermina leba pa pessoas, kel k nha pai traze pa mi na primeiro contacto k ntevi ku se poema. Mais do k criaba textos bonitos, sempre npreocupa ku traze mais proximidade entre mi e leitor, sempre nkis fala de poemas k ta fortalece kenha k sta desanimado, k ta animaba pessoas, k ta trazeba kusas k dja sta ta caiba na esquecimento de pessoas e k nta atxaba ma era importante.
Igualmente a parte de preocupa ku conteúdos, sempre ntevi alguma preocupação em traze kel kriolo falado na fora pa nhas textos. Nta atxa lindo, manera mod k nu ta expõe nos pensamento na nos língua.
Ao longo de kes anos li, nskrevi um pouco de tudo. Nskrebi sobre fome, seca, Deus, paz, fe, amor, liberdade, entre outros temas mas nta confessa ma amor platónico é sem duvida nenhuma kel k mais nta traze pa nhas textos.
Pamodi k bu ta skreve?
Opa, respondeu es pergunta li é cima respondeu pmd k nta respira.. Skreve pa mi é vida.
Horas k npega caneta e papel na mo, nta chinte nha corpo ta flutua pa um mundo novo, em k mi ntem total liberdade de expressa mode kin kre.
Na skrita kin conchi midjor a mi mesma, é forma k n'atxa de traze kusas bonitos k tem k às vezes por distração nu ka ta presta atenção na es e mi como skritora mi é mil vezes mais forte e livre. Ntom skrita pa mi é forma mais bonita kin atxa de sta em contacto ku mi e ku pessoas a nha volta.
Fala de bus medos...
Pam fala de nhas medos? Ami é um menina k ta procura tudo dia skeci se es palavra existe. Graças a medo monte sonho ta morri, monte alguem sta frustrado, txeu amor desapareci e vida perde piada pa muitos.
Ntom, ka nu fala de medo. Nu fala de formas de dribla kes supostos medos k pode existe na nos vida.
Bu ta skreve mais em português ou em kriolo?
Lingua k ta relata ku mais precisom kel k nta chinte é sem duvida nha kriolo. Ngosta de ser berdiana e ngosta de expressa na lingua dimeu mas também ntem txeu trabadjos na português e nta aprecia txeu es nha segundo lingua li.
Acho k tudo na vida tem um pouco a ver ku forma mode nu foi criado. Desde menino, ntevi pais k incentivam a le e entra em contacto ku obras de oto alguém. Ku 12 anos de idade djam leba um coletânea completa de historia infantil k titulo era: as aventuras do Dudao.
Cima nu sabi, existe poucos trabadjos infantis em kriolo. Nprende ama leitura desde kes altura e tudo k nta leba em termos de livros, era so na português. Ntom é quase impossível ka skrebi na português e ka reconhece influencia de kes livros na nha skrita tambe.
Kal k é bu escritor preferido e pmd?
Tem monte escritor k ngosta txeu mas nha preferido é Augusto Cury. Ngosta de si manera de skrita e principalmente kes temas ke ta aborda na sis livros.
Kanto livro bu teni guardado na gaveta? Bu tem intenção de um dia publica algum?
Nka sabi flau nes exacto momento kanto texto k nteni feto mas sim, nha intenção é um dia publica nhas trabadjos.
Kal ke bu frase preferido?
"Ainda que eu andasse pelo vale da sombra da morte, não temeria mal algum pois Tu estás comigo."
Kal k é bu signo? Bu ta acredita nisso?
Mi é caranguejo, supostamente. Mi nta acredita ma tem um Deus k tem nha storia na palmo de si mo e k determina um tempo pa concretiza cada um des na nha vida. Resta ser paciente e permanece firme.
Kuse ku ta chinte horas ku ta skrevi?
Nta chinte viva! Nta chinte inteira e acolhida pa nhas versos. Ter descobrido escrita foi sem duvida nenhuma um marco na nha vida k ka ta compara a mais nenhum.
É um sensação indescritível.
COMMENTS