Storia di Kali Reis ta da un filmi...
Kali Reis nasi na sidadidi di Providence, na Merka, na dia 01 di janeru di 1986 … Kali ê oji en dia un di kes + konsagradu pujilista/mudjer di mundu, ku 4 titulo mundial na si palmarés, inkluindu kel prestijiadu título di kampion di Conselho Mundial di Boxe (WBC) y di Asosiason Internasional di Boxe ( IBA) tudu na kategoria di pézu médio ( 68 kilu).
Ku 32 anu y embora inda ê ka guarda luvas kali konsigui ri-uni títulos ki poku pugilistas ta konsigui.
SI PRIMERU KOMBATI FOI KONTRA DISTINU…
Kali Reis ê kodé di si mai ki krial sen pai djuntu ku + 4 irmon nun di kes pior vizinhansa di sidadi di East Providence, na estado di Rhode Island, undi droga y dilinkuénsia ê pai-nosu di kada dia… Pa alen di tentason di kai na dilinkuensia Kali tevi ki enfrenta si propi dilema di identidadi, dividida entri 2 mundu ( kriolu y nativa merkanu).
Ku 11 anu di idadi, sen sabi dretu pa undi ki ê ta kanaliza si raiba ku si frustason , bebida ku droga toma konta di si vida…
Raiba aumenta + kuandu alguén abuza del sexualmenti y Kali da konta ma sen un pai pertu pa difendel ê tinha ki prendi difendi si propi kabésa y konstrui si própi reputason… Foi di es forma ki ku 13 anu ê kumesa ta pratika boxe sen sunha ma anos dipos ê ta ben torna-ba nun lenda bibu di boxe mundial.
Foi na desportu ki Kali ri-enkontra finalmenti si identidade ( e ta fla ma foi boxe ki salva-l, ki ki mostral kenha ki el é).
Dipos di alguns kombati komu amadora na 2008 Kali Reis torna prufisional mas un asidenti di mota kebral si juelhu. … Dotoris fla-l ma nunka + ê ka ta pratika-ba boxe y + un bes Kali kai na bebida ( un garrafa di whisky pur dia).
Aparentimenti Kali sta-ba na “tapeti”, sen + nada pa vivi pa el.
Foi enton ki sangi kriolu y sangi Cherokee papia + altu y Kati labanta pa enfrenta luta. Ê volta pa ringi y na dia 11 di Novembro di 2104 nun kombati épiku na Bermuda e da Tereza Perozzi K.O.
Titulo di Asosiason Internasional di Boxe era di sel ( un storia perfeitu ki podi da un filme).
Foi enton ki Kali da konta ma ku vontadi, ku trabadju y ku determinason ê podia konkista kuzé ki ê kré.
Na Febreru di 2016 ê nokautia “toda poderoza” Victoria Cesneros na Twin River Center di Rhode Island y ê toma sinturon di kampion di Federason Universal di Boxe (UBF) .
2 mes dipos Kali bai ganha merkana Maricela Cornejo na The Trust Arena di Nova Zelandia y pa primeru bes ê konkista kel ton pristijiadu titulo di kambion di mundo WBC.
Komu prufesional Kali dja subi ringi 24 bes ( 14 vitória sendu 4 pur KO, 6 derrota y un empati).
Si nomi di gérra ?
Si nomi di gerra ê K.O Kali Reis.
Ku 32 anu es kriola/merkanu e un di kes top pujilista mundial … Kali Reis ê un star. Fonte:ok
COMMENTS