23 anu dipos Bruno Pires ê novu rekordista di Cabo Verde na 3 mil metru/ obstáklu…

Comité Olimpico Cabo-verdiano odju nes atleta...

Bruno Pires korri es distansia olimpiku na 9 minutu, 35 segundu y 11 sentézimu (9:35.11) y di es forma ê kebra rekordi kabu-verdianu ki era di atleta olimpico Antonio Zeferino ki krava 9:42.8 na 1995.
Ku es marka Bruno sagra es sábado vensedor di 3.000 metru/obstaklu (steeplechase) na famozu Corsair Classic di UMass Dortmund na estado di Massachusetts, na Merka... Kuza ki ta torna es vitória y es “record” inda + surprendenti e ki era primeru bez ki es fundista kabu-verdianu rezidenti na Merka sta korreba nes kompitison.

Bruno Pires nasi na Fogu mas ê kumesa ta da na vista na atletismo na Liceu di New Bedford ( e foi “Runner do Anon na 2016) antis di “transfiri” na 2017 pa ekipa di “Track & Field” di Universidadi di Dortmund. ..Si treinador ta fla ma vitoria di es sabado e ‘so ponta di iceberg” di kuza ki es joven kabu-verdianu podi ben fazi na atletismo ku si velosidadi, si forsa di vontadi y si umildadi.

Pra ja Bruno Pires dja teni un impresionanti palmarés y ka dura ê foi nomiadu “rookie” di semana dipos di ganha primeru lugar na 800 metros na prova “Black and Gold Invitational” di Bryan University undi ê kompiti ku atletas di top.

Di forma ki kenha ki sta kontenti y orgulhoza ku si fidju matxu ê Maria Pires, mas Bruno podi ben ser també un “reforsu” importanti pa ekipa olimpiku di Cabo Verde ki nunka ka ganha un medalha na Jogos Olimpicos.
Odju n’el. fonte:ok