Mai dezabafa... é ka sa suporta odja pessoas ta partilha video intimo di si filha na internet

nha filha ka comete num crime, é ka poi corno, unico ero foi ter feto kel vidio

Mai indignada ku ex-namoradu di si fidja ki ê fla ma publika videos intimos na Internet
VINGANSA SIBERNÉTIKA...
Pa Risa Ariana foi pur vingansa ki Djelany Rodrigues publika 2 videos na NET undi si fidju-fémia Kiara ta parsi na plenu atividadi pornográfiku...
Na videos rostu di “parseru” ka ta parsi mas pa Risa Ariana “kulpadu” ê Djelany Rodrigues, ex-namoradu di si fidja ki na si opinion rezolvi publika es videos komu un forma di vingansa pamodi si filha sta nun novu relasionamentu undi e ta ignora si mensajens y xamada.
Nun posti na fb Risa Ariana, rezidenti na Praia, inda ta fla ma kel li ê ka primeru bes ki Djelany sta publika senas intimu ku otu menina y ê ta pidi tudu algen pa dexa di “envia’ es videos... Risa inda ta dexa klaru ma si fidja Kiara ki sta na kama di ospital ta rekupera di es “crueldade” , ma Kiara ka kumeti ninnhun krimi ( si uniku erru foi ter fetu video)

KRIMI DIGITAL ...
Partilha fotos ou video intimos sen konsentimentu na NET ê konsideradu krimi gravi, prinsipalmenti si ten situason di sexu explicitu ou pornográfiku ( ê podi da ti 6 anu di kadeia). Infelismenti es tipu di krimi ten aumentadu na Cabo Verde ku popularizason di telemovel ku kamara digital... Txeu ex-namorados ki alves ta xinti abandonadu ou traidu ta kré kai na tentason di divulga es senas intimos gravadu antis komu un forma di vingansa ou até di xantagen .... Es prátika li ê konxidu komu “pornoggrafia di vingansa”  y dja ten kazu di vitimas ki mata kabesa.

KUZÉ KI BU DEBI FAZI SI BU “INTIMIDADI” DIVULGADU NA INTERNET ?
Primeru kuza denunsia imagens na plataforma undi ê publikadu ou ki sta uzadu pa envia ... Dipos denunsia kazu na autoridadi. Embora na CV inda ka ten un lei klaru pa es tipo di ilegalidadi pelu menus autor ou publikador ta mandadu ilimina-s imidiatamenti.

Di kualker forma midjor forma di prevenson ê evita filma senas intimos ku bu parseru, prinsipalemnti si inda ka ten kel konfiansa ki so ku tempu ta ganhadu ( lembra ma “amigu di oji” manhan podi ser “inimigu”)
PS : Mai ku pai també debi també papia abertamenti ku ses fidju sobre es asuntu prinsipalemti pa alerta. - por:ok