USA: Joven Kriolu asasinadu na Merka dexa fidju-fémia di 5 anu d’idadi

Kelby Ramos ta enterradu es sexta-fera

Ê ta enterradu na Melrose Cemetery, na sidadi di Brockton, dipos di misa na St. Edith Stein Parish a-partir di 10 hora di parmanhan di es sesta-fera  13 di Abril.
Kelby Ramos, 24 anu di idadi, matadu sábado na Brockton ku un tiro na kabesa dentu di si karru pur volta di 10 hora di noti.
 Polisia di Brockton sta fla ma si morti sta relasionadu ku guerra di “gang” y “retaliason” dja   kumesa desdi segunda-fera ku tiroteios na ruas di Brockton... Na seguimentu di investigason polisia prendi 4 jovens ki podi sta envolvidu nes tiroteios ( Daniel Barbosa, Delven Carvalho Centeio, Claudio   de Brito y Samuel Mathiew).
Relasionadu diretamenti ku morti  di Kelby  inda ka prendedu ningén.
FAMILY MAN…
Pa alén di mai ku pai y di txeu otu familiaris na Brockton undi ê nasi y ê kria Kelby Ramos dexa inda un fidju- femia menor  di 5 anu di idadi ( Kel’ani, na foto).

Mai di si fidja ( Velma Alves) ta fla ma Kelby era un “omi di familia”  ki ta adoraba  si fidja y ki ta gostaba di trabadja ku karru y kompu komputador...  També si prima Emma do Canto ta rekorda-l  komu un rapaz sempri alegri , un bon pai y  amigu di tudu algen.

Kelby Ramos foi segundu pesoa ki matadu a tiro es anu na Brockton ( Primeru foi un merkanu na mes di Janeru).  Pa alén di es 2 morti   + 2 kriansas també di orijen kabu-verdianu  ( irmons Brito)  matadu  di forma violentu na Brockton pa ses mai duranti  un ritual di magia negra. Fonte:ok