USA: Júri na Merca konsidera ma foi es caboverdiano ki mata si fidju di 10 ano di idade...

Ê ta ben ser sentensiadu a un pena ki podi bai di  10 anu di kadeia  a prizon perpétua.

Pa júri ki es kinta y sesta-fera  stevi reunidu + di 8 hora pa delibera foi  omisídio simples ( omisídio di segundu grau sima ta fladu na Merka) y non omisídio kualifikadu ( omisídio di primeru grau) sima akuzason sta pidiba y ki automátikamenti ta kolokaba  Jorge de Pina na kadeia pa restu di si vida … Ku es veredito ( omisidio simples)  Jorge de Pina ta ben  ser sentensiadu a un pena entri 10 anu di kadeia a prizon perpétua.
Sentensa ta ledu na dia 18 di Maio.

“DJA  NHOS ODJA KUZÉ KI ES FAZI KU MI ? “
Si ki Jorge de Pina ku algema na mon  grita pa si familia ki staba na   Tribunal Superior de Providence pa obi disizon di jurados.  Si pai ( Diamantino de Pina) fla ma foi un dia vergonhozu  pa stadu  di Rhode Island.

ADVOGADOS “ALIVIADOS”
Ku es vereditu  advogados de Jorge de Pina  ka kanta vitória mas es mostra aliviadu ku es vederito di júri  ki pelu menus podi ivita  prizon perpétua sen xansi di sai pa es kabu-verdianu di 37 anu di idadi tambe kondidu pa “Manti” ( Manti Fixi) … Na ses opinion ser kondenadu pur omisidio simplis é mutu midjor di ki ser kondenadu pur omisídio kualifikadu ki automatikamenti ta konfinaba Jorge de Pina na kadeia pa restu di si vida.

Di kualker forma advogados di difeza na ses deklarason final fla ma ka fika provadu na Tribunal ma foi Jorge de Pina ki inflinji kel golpe fatal ki perfura intestinu de Aleida de Pina y ki kába pa pruvoka si morti na dia 3 di Julho di 2013 ( es insisti na kéda di bisikleta). Pa es Jorge podia kulpadu di omisidio pur  niglijensia pamodi ê ka leba Aleida ospital a tempu y hora , mas es ka konsigi konvensi jurados ki kaba pa disidi ma embora ka foi premeditadu ou intensional foi Jorge de Pina ki mata si fidja.
Fika so spera sentensa. Fonte:ok