USA: Merka perdi un di si maior jurista...

Juiz George Leighton morri ku 105 anos d’idadi...

Ê morri es kuarta-fera di tardi na ospital di veteranos di Brockton vitima di pneumonia.
Nomi di George Leighton, primeru pretu ki xinta na kadera di juiz na estado di Illinois na Merka, si nomi ta fika gravadu non só na entrada di Tribunal d’Apelo di estado di Illinous y di un Tribunal di California ki ten si nomi mas també na storia di kriminologia y di direitos sivil na Merka... Inda ê ta meresi un lugar distakadu na stória d’imigrantis kabu-verdianos na Merka komu un izemplu di luta , di koraji y di superason.

George Neves Leitão ( foi un prufesor ki traduzi si apelidu pa “Leighton” ki nunka ê ka priokupa ku muda ) George Neves Leitão nunka ka bai Licéu pamodi ê kria ta trabadja na plantason pertu di sidadi di New Bedford undi ê nasi fidju d'imigrantis kabu-verdiano. Embora nen ingles ê ka ta papiaba dretu ( ku 17 anu inda e kompletaba sesta klasi) embora nen ingles e ka ta papiaba dretu un dia ê kumesa ta sunha na fazi si fazi komu dotor di Lei...

Enton ê rekumesa ta studa enkuantua ê ta trabadjaba y un dia ê ganha un prova pa entra na Universidade de Harvard, na Washington DC. Ê termina studu na 1947, ku 34 anu, dipos di kumpri servisu militar na segunda guerra mundial di undi ê komu kapiton.

Foi a-apartir dali ki ê kumesa un karrera brilanti, primeru komu advogadu y dipos komu juiz ( dipos di ê reforma komu juiz na 1989 ê trabadja otu bes komu advogado ti kuandu ê kompleta 99 anos ).
Juiz George Leighton ta rekordadu komu un omi di lei, mas si vida ê mutu + di kel li ( Si storia di luta y di superason ta da pa skrebi un livru)....Komu advogadu ê ta rekordadu komu un omi di “causas perdidas” , ki ta difendeba negrus di grasa na Tribunal nun sosiedadi inda markadu na kel tempu pa rasismu y diskriminason ( Ê ta flaba ma tud’algén ten direito a justisa).

“Judje” Leighton dexa 2 fidja maior, 4 netos y 8 bisnetos. Dia di enterru inda ka markadu. fonte:ok