Atenson Kabu-verdianu ku pasaporti stranjeru...

A-partir di Janeru ta kobradu un taxa di 3.400$00 pa dizenbarka na Cabo Verde...

Di forma ki si bu sta viaja ku família fazi bu konta ( ki ka ta paga ê so mininu ku menus di 2 anu d’idadi)

Taxa Di Segurança Aeroportuária (TSA) ta entra en vigor a-partir di Janeru di anu ki ta ben sima sta na Boletim Oficial di 13 di Agosto. .. Kada pasageru ku pasaporti stranjeru ki dizembarka na aeroportos di Cabo Verde nun voo internasional ten ki paga un taxa di 3.400$00 ( pasajeru ku pasaporti kabu-verdianu ka ta pága ) enkuantu na voo domestiku tudu pasagerus ( nasional ku stranjeru) ten ki paga un taxa di 150$00.

Governo ta xplika na BO ma es novu taxa ê pa servisus ki pasagerus ta resebi na aeroportos pa alén di kel trabadju ki ta fazedu pa garanti seguransa “fronteiriça e aeroportuária” y pa prevenson y represon di “actos ilícitos”.

Es taxa de Segurança Aeroportuária TSA ê diferenti di kel taxa di servisu ( taxa aeroportuaria) ki ASA ta kobra a tudu pasagerus ki ta uza aeroportos di CV y ki ta debitadu diretamenti na bilheti di pasagem. .. Kuza ki ka sta na BO ê modi ki governo sta ben prusesa kobransa di es novu taxa, embora governo dja flaba ma e ta ben ser “acoplado” nun plataforma teknologiku ki ta ben kriadu pa pré-regista kes pasagerus europeus ki ta ben izentadu di visto ...

....Y ê justamenti nes kontestu di izenson di vistu pa turistas europeus ki sta tudu xplikason pa es novu taxa ( komu stadu ta ben pasa ta perdi pur anu uns 22 milhons di euros di reseita ku es storia di izenson di visto, es novu taxa di sertu forma ta ben kompensa es perda , so ki ê ka so turistas europeus ki sta ben pága ... Tudu kabu-verdianu ki ta viaja ku pasaporti stranjeru també ten ki pága ).

Di kualker forma pa “justika” es novu tarifa ki ê konsideradu elevadu prestason di servisu na aeroportos di CaboVerde tinha ki midjora... Ou nau? fonte:ok