Caboverdiana na França kre sabi pamodi ki es rekuza si Pai pedido di visto pa 2 bez...

"Na total djan gasta mas di 40 conto e es torna recusa e des bez sem motivo"

Nu recebi es mensagem di um seguidora di Dexam Sabi, ki prefire fica anonima, é ta fla me tem tudu kondisons pe recebi si pai na França, mas ma mesmu assim é rekuzadu visto...

"Pedido de visto
Boa tarde nha guentis,  Obrigada pa oportunidadi k nhos ta ofereci pa nu desabafa... nta kria ficaba anonimo sff.

Bom é si, n'tem 26 anu, nta mora na França, ntem casa e trabadjo. Djan pidi visto 2x pa nha pai k ta sta na Cabo Verde e 2x recusadu sem desculpas k bali.

N'tra papel na França tudo certo e pa segundo bes consulado flan mes ka intendi pamodi k la Cabo Verde es recusa, sabendo k li es da papel oficial tudo certo e k la Cabo Verde nem satisfaçon es ka ta da.

Nta kria sabeba si alguem podi djudan pan reclama ou kuze k n'podi fazi por favor. Pamodi keli dja passa troça, alguem ta paga tudo papeladas nem ka barato e es nem satisfaçon, pelo menos pes fla pamodi k es ka sta da visto.

N'pidi atestaçon pan podi recebi nha pai na serviço estrangeru e kanto k es odja ma papel sta tudo certo. Es manda responsavel di papeladas visita casa ku policia pa odja si tudo staba em ordem. dps es manda papel pa consulado e presidente d consulado assina e txoman ta fla ma papel dja sta e ma sta tudo em ordi.

Cabo Verde primeru bes recusa ta fla mes ka sabi kenha k é responsavel pa nha pai e mes ka sabi kenha k ta sustental horas k bem (piada é k na kel atestaçon sta ta explica tudo, Ma mi é si fidjo, me pe bem di feria, ma n'tem casa grande, trabadjo fixo e man tem tudo condiçoes pan toma kenha k nkre).

Segundo bes kanto n'torna bai busca atestaçon es fla mes ka intendi pamodi k Cabo Verde recusa si tudo papel staba certo e assinado (n'manda pa cv fotocopia nha documento, contrato casa e trabadjo, papel d imposto tudo tudo...)

Na total djan gasta mas di 40 conto e es torna recusa e des bez sem motivo, unico kuza k es fla ma nu podi manda carta pa nu reclama.

Djan mandas email pa centro comunal d visto d Cabo Verde e nem um resposta. Djan tenta liga munti bez e nada.

Alguem ta panha kuza caro ka barato pes ka dau nem um satisfaçon... Nkria sabi si tem alguem k dja passa pa mesmo situaçon e si alguem podi guian
Obrigada"