Governo autoriza akizison di mais 32 viaturas...

Nun altura ki kampunês sta reza pa ceu ta pidi txuba

Di akordu ku Resolução n.º 82/2018 di Conselho de Ministros es 32 novus viaturas ê pa “serviços da Administração Central, Polícia Nacional e a Presidência da República” y governo da Finanças luz verdi pa, pra já, dizenbolsa 79 mil kontu pa si leasing ( aluger di longa durason ku opson di kompra) .

Viaturas debi ser lugadu en grupu y a prontu pagamento , mas governo ka espesifika si é ( ou nau ) através di konkursu publiku. ...Governo també ka ta espesifika kantu viatura ki ta bai pa kada servisu komtempladu, embora Ministérios ka mutu mesti pamodi na ultimo mes di Janeru kumpradu 8 viaturas “topo de gama “ pa kes novos membros di governo ki tomaba posi... Poku tempu antis, na Novembro di 2017, governo també entregaba 48 viaturas pa Policia Nacional ki flaba ma es fika ben sirbidu ...Ta resta Presidensia da Republica, mas sima tudu algen sabi JCF ka ta mutu anda di karru ( + ê di avion) y sertamenti ê ka mesti + di 2 ou 3 karru paradu dianti Palácio.

...Di forma ki maior parti di es 32 novos viaturas ê talves pa diretoris di servisu ki al-ves ta odjadu na fin-di-semana ta da riba ta da baxu na karru stadu.. Mas kuza ki txeu kauverdianu sta kistiona nen ê ka akizison “em si” di es novus viaturas.
Ki sta kistionadu ê si “timing”, nun altura ki governo sertamenti dja sta matuta modi ki ê ta lansa + un kampanha pa pidi ajuda internasional na perspetiva di + un anu di séka. fonte:ok