Txeu imigranti sa sufre di Síndroma de Ulisses... Será ki bu sa xintil ?

Kuze ke Síndroma De Ulisses ?

Ê un sufrimentu ki ta afeta txeu imigranti

Nau nau, ê ka kel Ulisses ki bu sta pensa.
Ê ta txomadu Síndroma de Ulisses pamodi ê un sufrimentu sima di kel Ulisses di mitologia gregu ki pasa 20 anu na gérra lonji di si terra torturadu pa sodadi sen sabi di dia di manhan.

Sindroma de Ulisses ( tambe konxedu komu Sindroma di Imigranti) ê un konjuntu di sintomas sima tristeza konstanti, stresi prufundu, dezanimason di vida, kansasu, dor di kabesa , nervozismu, mau humor, ansiedadi , etc, ki txeu pesoas ta xinti ora ki es sta lonji di ses terra ( Sindroma de Ulisses ê ka depreson mas tambê ê ka kel sodadi ou tristeza normal ki tudu algen ta xinti ora ki ê sta lonji di si terra y di si familia. Ê algun kuza + prufundu ki ta duê dentu d’alma)

SÍndroma de Ulisses ta manifesta ora ki imigranti ta kumesa dizanima ku vida na terra stranhu ( al ves sen dinheru, sen dukumentu, sen trabadju y sen ningén pa stendel un mó ).

Ê es sentimentu di inseguransa y di dizamparu sen oportunidadi di prugridi na vida ki ta leba sertus imigrantis ki adapta a kai nun profundu solidon ki ê primeru sintoma di es Sindroma di Imigranti... Kazu bu sta xintil dizimóla ka bu ka izula. Dizabafa ku amigos y familia y si es dor kré tomau konta petu konsulta dotor ou espesialista ( Txeu bes e solidon y pensa txeu ki ta leba algen a kai na sertus situason sima bebida, droga, delinkuensia, violensia , etc).

Mas bu podi fla ma ê ka so na stranjeru ki kabu-verdianu ta sta tristi dizanimadu ku vida . Ê verdadi, mas Sindroma de Ulisses ê so pa imigranti... Si bu sta na Cabo Verde stresadu ku falta trabadju sen speransa na dia di manhan ou na kel tal filisidadi ki kel otu Ulisses prumeteu enton si bu kre bu podi fla ma bu teni TRANSTORNU DI ULISSES. fomte:ok