"Dja nu tem 1 ano djunto y inda é ka fazi sexu ku mi"

Dezabafo di um segudor di Dexam Sabi...

"Ola. Nkre aproveita nhos espaço Dexam Sabi, pam dezabafa algo ki tem stadu ta dexam ta pensa. Ntem um poku receio fala isso. Mas nta pidi nhos confiansa pa ser anonimo. Assim Nta fika mais avontade.

U kin kre desabafa é relason di mi ku nha namorada. Ami ntem 25 ano, el é tem 19 anos. Apesar di nlebal 6 ano, el é super matura y um mudjer seria. Dja nu tem 1 ano djunto. Djam apresental pa nha familia. Ainda nka bai si casa pamodi é ta fla ma inda é cedo y me ka sta preparada y é ka teni koragem suficiente pa apresentam si familia. Sempre ki nu econtra é ta fika precupada si algum konhecido odja y podi bai fla si pais. El é di um familia conservadora.

Dja nu tem 1 ano djunto y inda é ka fazi sexu ku mi. Keli ta dexam ainda mais ta pensa. Ami nta kre respetal. Nta intende pa um lado si vontade di spera y ka kre faze relason ku mi. Mas pa otu lado ntem kel vontade di faze y nha lado menos paciente ki ta kre esforça mas ta kaba sempre pe xatia y dexam. Alves nu ta fika tempo ka ta odja pamodi é ta fla ma nka kre respeta si vontade.

Mas sera ki é normal isso. Sera kin debi espera pa el ou sigue sem el. Sera ki é tem razom. Sera ki so mi ki sa passa pa isso... Tantos perguntas kin ta dexa li, pa nhos djudam comprende y toma bom decisom.

Obrigado di avanso pa tudu kenha ki resolve colabora. Obrigado Dexam Sabi pa espaço ki nhos dam."