Karru eletriku já já na Cabo Verde...

Governo kré kaba ku tudu karru a kombustivel dili ti 2050...

Kes primeru 7 debi txiga dentu en brevi y ti 2020 debi sirkula na CV uns 500 karru eletriku, tudu propriedadi di emprezas publikas y privadas, y la pa 2050 ka ta dexa di odjadu karru a gazolina ou gazoleo na stradas di Cabo Verde .... Kel li ê pelu menus previzon di diretor di masional di Industria, Comércio e Energia ( Rito Evora) ki garanti ma substituison di karru konvensiolal pa karru elétriku ta ben ser fetu di un forma gradual enkuantu ta instaladu postus pa karrega bataria.

Di kualker forma kel li ê so un previzon di governo ja ki substituison total di karru tradisional pa karru eletriku ta ben dipendi ( y txeu) di vontadi y di bolsu di kenha ki kre kumpra karru ...
... Karru eletriku é sima kumida organizu : ê ta pului menus mas també e ta kusta + y na paizes undi + es ta uzadu ê governos ki geralmenti ta subsidia ou ta “insentiva” si kompra . embora na Europa pur izemplu ki ta bonifika si produson so meio pursentu di tudus karrus matrikuladu ê ki ê eletriku.

...Di forma ki ben “troka” tudu karru a gazolina ou a gazoleo pa “plug in “ ta ben ser un tarefa komplikadu pa governo embora primeru karregador dja sta na Cabo Verde ( ê di Centro de Energias Renováveis e Manutenção Industrial (CERMI) y ê apresentado semana pasadu na Conferência Internacional sobre as Energias Renováveis, na Praia. por:ondakriolo