Sera ki bu sta na kondison di fla "Oh Deus Nhu Lebam So Si" ?

É ka skola é ka trabadju, esforça nem na sanita, ma nhu sa pidi Deus pa lebou so si.

Texto enviado por um seguidor de Dexam Sabi:

"OH DEUS NHU LEBAM SO SI
De facto música é sabi e letra tb é nice pmd é ta fala de kuzas importantes na vida sima saúde, amizade, bem estar, amor, sucesso, paz, dinheru e acima de tudo proteson de Deus e trabadju duro.

Se hoje Mito sta pidi "Deus pa lebal so si" é pmd hoje se calhar dje sta undi ki é kria e é luta pe sta.
Pa kenha q konxi Mito dentu Txada sabe ma ka foi fácil pa el txiga na kel patamar ke sta hoje. Foi preciso txeu "batalhas vencidos e batalhas perdidos".
Mas como sempre nôs jovens nu ta prifiri leva tudo na ondas de paródias e sabura.

Manxi kamba mato de 2a a domingo, modja dedo, pitadia atoa pa skeci e fugi de problemas de vida e bu sa pidi "Deus pa lebau so si"?!?
"Deus lebam so si" enquanto nhu sta entra tudo festas so na "gira free" e toma moku ku senhas falso e carton scaneado?!? Enquanto nhu sa roda ku farapo/shoes pistado?!?

"Deus lebam so si" ma nhu sa manxi nhu sta korda 11hr/meio dia ta spera mama pa poi na mesa?!? Mas kel moedinha ku sa pega sa bai so na luxo ku passa sabi em vez de djuda mama ki tem q kriou abo e kria bu fidju.

É ka skola é ka trabadju, esforça nem na sanita, ma nhu sa pidi Deus pa lebou so si.

Deus nhu lebam so si mas moeda ki nhu sa pega é so de "hustle", bisnis, roubo, batota e soco na rosto de "amiguinhos gay" ku emigrante pa Western Union tudo sábado?!?
Manxi bebe

Dia ki bu dexa de depende de mama ku papa ku imigrantes e bu kumesa ta labanta cedo pa bu bai korri trás de kel q bu kre...
Dia ki bu vira capaz de sustenta bu prop cabeça, capaz de gira ku kel ke dibo e ku bu prop bolso...
Dia q bu bu mete dentu de bu cabeça ma homi pa vence tem ki sua e não spera pa mama ku papa, emigrantes e bisnis na street...

Dia ki bu dexa de ser um "nem nem", sem skola sem trabadju e bu kumesa ta djuguta pa bu futuro e futuro de bus fidjus...
Dia ki bu xinti ma bu sa ta usa bu vida pa fz algo util ki pode bem fazeu  alguem más tarde.. aí sim bu pode canta a vontade.
OH DEUS NHU LEBAM SO SI"