homes para de pide, mudjes para de manda...
"Bom dia, boa tarde ou boa noite.
Es e resume de um storia baseado na factos real. Kusas k ta cuntice tudo dia, principalmente na nos terra Cabo Verde.
Rui e David é amigos desde pikinoti gossi es e jovens de 20 e poucos anos. Rui ta gosta de um minina de Palmarejo e minina ta gosta del tambe, mas Rui tem ce mudjer e um fidju de 5 anos, minina dja sabi ma Rui tem ce familia, k es ta mora djuntu na Achada Santo Antonio, ilha de Santiago Cabo Verde.
Um certo dia Rui pidi minina foto sem roupa, minina recusa e Rui insiste te k minina mandal foto, Rui odja foto e é ka paga e dexa na mensagem sima minina mandal, ntom ce fidju pidil movel pel odja desenhos animados , pai da fidju telefone, minutos depos Rui sai na rua, mai de minino toma telefone sucundido e djobi e atxa fotos de minina de palmarejo e panha e manda pa ce telefone e é paga pa Rui ka odja ma é envia fotos, nton e da minino telefone e bai manda amigas fotos k ce cumboca sta manda pa ce marido, nton fotos viraliza, 5 dias depos minina de palmarejo sabi ma ce fotos k e manda Rui sta na telefone de monti alguem dentu Praia e tambe na otus ilhas de Cabo verde e tambe fora de pais, minina começa sinti mal, logo e panha telefone é manda Rui mensagem.
-Ncunfia na bo mandabu nhas fotos gossi bu tenen ku cara na vergonha, kuse k ta ser nha vida de hoje pa frente?
-Hey mi nka manda ninguem bus fotos, juro pa nha vida
-Bu ka meste jura dja bu caba ku nha vida.
Minina desliga telefone e blokia Rui na momento. Passando um dia, dos dias, tres dias minina ta fica so dentu quarto ka ta sai pa nium lado, ka ta incara pai nem mai e nem irmons.
Nton Rui txoma David e e sta ta contal:
-Juro David mi nka manda ninguem fotos e mi nha telefone tem codigo nka ta pista ninguem
-Nta acredita na bo Rui ma bu ka faze kela.
Minina de palmarejo perde scola pmd falta aula txeu, familias k ta sta na strangero k sempre ta djudaba el recusa ajudal, ces colegas fica ta faze trossa del na rede social, e perde txeu cunfianca pa parte de pais.
OBS: Nem sempre kem k du ta culpa é culpado, talves primeiro culpado é nos que ta agi sem pensa na consequenciais neste caso negativas, sima du ta obi, odja sobre fotos e videos que ta sircula na facebook e entre outros redes sociais e pa du tem mas um nocao de como e ta bai longe, sta fotos e videos de Caboverdeanos(as) spadjadu na net, y mundo interu ta fica ta odja, nton nu para ku isso, homes para de pide, mudjes para de manda e vice-versa na keli ka tem troca, ka tem cunfianca, se bu cre manda, manda e spera ma qualquer hora ma bu pode obi ou odja foto k bu tra ou video k bu filma ku bu proprio mon k ninguem ka forsabu ta viraliza na internet ku gostos ku hahah ku txeu virtualização, ku txeu partilhas, ora k kela cuntice ka bu culpa ninguem, pamode culpado(a) e propi BO."
COMMENTS