"N’sta xinti eskravizada na trabadja ku xines" - dezabafu di um caboverdiana

Mi ta aseita es situason pamodi un ka teni otu soluson pa Nkria nha 2 fidju

Voz di Sidadon
“ N’STA XINTI ESKRAVIZADA NA TRABADJA KU XINES “
Foto ê ka di sel ( foto ê so pa sirbi komu ilustrason)

RM ta fla ma el ê mai di 2 fidju ki ta teni otu suluson a-non ser trabadja nun loja xinês na Praia undi e ta xinti umiliada y escravizada. Kel li ê si dizabafu :

“ Boa tarde Onda Kriolu.
N’ben dizabafa mas Nkré fika anónima.
Ami ê un joven mai di 2 fidju ki ta trabadja nun loja xinês li na Praia undi nta tratadu sima un eskrava baxu di tudu injuria ku umiliason. ..Xinês ta flau pa bu ben trabadja na ses loja mas oras ki bu aseita es ta pou limpa ses kaza, laba ses ropa y fazi tudu tipu di mandadu pé na txon pamodi es ka ta da nen dinheru pa autokarru... Xinês ta xpantau ta grita na bó dianti di klientis y inda ê ta amiasau ma ê ta mandanu kaza ma ê ta poi otu na bu lugar ...Mi Nta trabadja sen kontratu di trabadju di 7 hora di parmanhan ti 8 hora di noti ku 1 hora pa almosu.

Ki Nkré pregunta ê pamodi ki ten ki ser si.

Nu sta fazedu eskravu dentu nos terra. Mi ta aseita es situason pamodi un ka teni otu soluson pa Nkria nha 2 fidju mas un ta pidi kenha ki di direitu pa djobi pa es situason ... Pa djobi pa situason di txeu kauverdianus ku kauverdianas sima mi ki sa tratadu sima eskravu na trabadju xinês.
Obrigada.” fonte:ok