França: 4 mes di kadeia pa joven kabu-verdiana ki pegadu ta furta purfumu na Paris

Ê pegadu na dia 13 di Maio ku 12 frasku di purfumu karu nun valor di 1.200 euros

4 mes di kadeia pa joven kabu-verdiana ki pegadu ta furta purfumu na Paris
PRISCILA FLA MA ERA SI AMOR KI Ê DEXA NA CABO VERDE
Ê pegadu na dia 13 di Maio ku 12 frasku di purfumu karu nun valor di 1.200 euros (132 kontu) sukundidu dentu di un bolsa ku fundu falsu na sentru kumersial Auchan Grand Plaisir, na subúrbio di Paris.

Priscila, 21 anu d’idadi, foi kondenada es kinta-fera a 4 mes di prizon na kadeia di Versailles ( si “antesedente” peza kontra el pamodi ê staba sob pena suspensu nun otu prusesu pur roubu di ropa mezis atrás nun otu loja di Paris)

Interrogadu na Tribunal ê fla ma purfumu di mudjer era pa el ( ta daba pa kantu anu) y ma purfumu di omi era pa ê manda pa si kunpanheru ki ê dexa na Cabo Verde... Si advodadu difende-l ta fla ma ê foi “presionada” pa un otu pesoa.

Justisa francês konklui ma roubu foi “ben organizadu” mas ma so ki na fin algun kuza fadja.
Bolsa ku fundu falsu di Priscila tinha un dispozitivu pa finta alarmi na porta di saída mas komu dispuzitivu ka funsiona alarmi toka y Priscila pegadu y ê entregadu diretamenti na polísia.

Es kriola inda novinha sertamenti ta prendi ku si erros ki també podi sirbi di izenplu pa otu kriolas ku kriolus ki sta na stranjeru ki tudu dia ta pididu kel- li-kel la pa manda pa Cabo Verde .

Finalmenti kual ê moral di es stória? fonte:ok