É fla ma ê ta ama “dizesperadamenti” un mudjer kazada...

OK traze es storia di Amor...

Paulo ten 40 anu y ê fla ma ê ta ama “dizesperadamenti” un mudjer kazada di  65 anu
SO KI MEDU DI MARIDO KI Ê VIOLENTU SI  AMADA REZOLVI  POL DI LADU
Di forma ki  ê kre partilha  es mensagen  non só pa obi bu opinion  mas també ku speransa  ma   si amada ki ê  fla ma ê sigidora di Onda Kriolu y ki karinhozamenti ê ta txoma “Cristal” ta odja es si  deklarason d’amor y tral di  sufrimentu:
Mensagen ê kel  li :
“Olá Onda Kriolu.
Un kré pa nhos partilna es  nha stória pan  odja si ê ta txiga ti nha amada.
Ami ê un ómi di 40 anu ki ta ama dizesperadamenti  un mudjer kazada  di 65 anu .
N’ta vivi na Merka mas  nha amada  ta vivi na Cabo Verde.
Nos rumansi inda ka pasa di bêju  pamodi senpri ê ta flan  ma ê ka ta kridita na nha sentimentu, ma más sedu ô mas tardi un ta dexal pan bai djobi algén di nha idadi, so ki mi un sabi kuzé ki n’sta xinti...Ê ka atrason nau, ê amor verdaderu  y ka ten ninhun novinha ki n’ta troka pa bó, Cristal  ( Cristal ê  nominhu ki n’ta txomal ).

Kada bes ki n’beijau, Cristal, kada bes ki n’bejau foi komu si fosi primeru bes.
Nunka un ka xinti tantu amor pa un mudjer na nha vida y nha kurason sta pertadu  ku es situason.

Nha kurason inda sta más  maguadu pamodi  bu  marido ta agridiu tud’ora. 
Un dia n’bai si kaza,  nhos imagina nha situason , un atxa si marido ta dagui nel y mi ku si fidju ki nos ê amigu nu djunta nu afasta  ómi... Desdi kel dia ê blokian na facebook, na messenger, na tudu kuza, ê dexa di   ten kualker  kontaktu ku mi pamodi  ê flan ma si  maridu da konta ê ta matanu  nos tudu 2.

Mas kridita na mi, nhamor.
Mi si bu asumi nos relason un ta jurau ma kel palerma  di bu marido nunka más ka ta tokau  ku  un dedu nen na un fiu di bu kabelu .
N’ta pidi Onda Kriolu pur favor pa partilhan es mensagen  pamodi nha “Cristal”  ê sigidora di es pagina y n’ta  agradesi també tud’algen ki podi partilha pa ê podi  txiga  ti nha amada .

Sima djan flau txeu bes, Cristal,  BO Ê MUDJER DI NHA VIDA  y es “rapazinhu” sima bu ta txoman ta amau eternamenti. 
Idade ka ta konta, nha kretxeu, idade ka ta konta  pamodi  idadi ê so un número enkuantu nha  amor pa bo  ka ten numero pa kontabalizia pamodi nha amor pa bo ê infinitu.

Pur favor obin, Cristal, pamodi sen bo nha kurason sta sangra” fonte:ok