"Forti Afronta ku nha fidju" - dezabafu di um pai
Boa noite dexam sabi, nkre dezabafa ku nhos.
Ami é um pai de 28 anu, nha professao é artista, ki tem 3 fidju, um ki teni 4 anu e um casal de gemeos, kel mas grande sta ku se mae e kes gemeos ta vivi ku mi e ku nha mudjer ke ses mai.
Assunto ki nsta bem fala é sobre keloto mas grande ki teni 4 anu. Nsepara di se mai dja tem um bocado de tempo na 2016, antes nta bai buscaba nha fidju sem problema é ta durmiba ku mi sem nenhum problema. na inicio nta pagaba um pensao de 10 mil escudo ku um salario de 36mil, ki nta trabadjaba na empresa de pai di minina.
Dipos de um tempo nbem tem um casal de gemeos ki pensao ki nta daba teve ki diminui. ku passar de tempo mae di de nha rapaz de 4 anu cumessa ta criam problema ku minino, ta ranjam complicações e di la es corri ku mi di trabadju ta inventa motivo ma empresa sta mal... ki na altura ntevi ki recorri a arte pam ganha pao de cada dia. so ki na tempo nfica desempregado nka consigui paga pensao tudo mes e ntava da minino kel ki npodia. depos de 68 dia sem odja criança nteve ki recorri a tribunal de menor ki nu foi txomado pa audiencia ku procurador pa fala ku nos. Kel dia era aniversario de casal de gemeos. nconsigui leva minino pa sta ku mi e nu txigaba a um acordo ma ntava buscaba minino tudo sabado. so ki na acordo é ka ta cumpriba e ami tambem pa nha lado nka consigui paga pensao de 5000 mil ki podo pmd nta trabalha como artista e ntem despesas e mas dois criança pikinoti.
ncontinua ta luta pa odja criança ma se mae ta torna ranja complicaão e ainda junta ku se namorado ki ka tem nada haver pa pode poi assunto mas xato. ki nta lembra ma se namorado ta impõe ma ntem ki leva minino na hora se nao me ta bem buscal ku se pe e ma ta interram baxu 7 palmo... pam nka ranja confusão nba da kexa na policia, ki na dia siguinte pai di minina bem pidim pam tra kexa, ma a partir de kel dia ma ka ta tem mas problema e ma tudo vez ki se filha ranja algum encrenca pam ka odja nha fidju pam txomal. ka teve nem um semana se filha ta flam ma so é ta dexa nha fidju sai pam flal undi ki nsta leval, na undi ke nha casa e ku kenha ki nta convivi. ami como pai nrespondel ma criança sta bai sta ku se pai, ma local ki nsta bai leval me nha casa, me sta bai convivi ku ses irmom ses avos paterno etc etc... é ranjam problema ntevi ki txoma se pai, ki tambem é bai na mesma conversa ku se filha... ou seja ninguem ajuda em nada....
passado uns tempos nta manda mae de nha fidju ma nsta bai buscal fim de semana se resposta ma minino sta duenti, ma minino tem compromisso, ma minino sta bai ku es tarrafal, quase tudo fim de semana, e ami nka ta odja minino....
um dia ami ta bai viaja, so pam ka bai sem odjal nbai visital na escola les alises, es flam ma nka tem direito a odja minino ma so se mae ki tem autorização. Es teve ki txoma se mai pes dexam dispidi di nha propio fidju. situação continua na mesma coisa ate na natal ta cre criam complicação ma nha fidju sta duente, e criança xeio de energia.
passado uns 3 mes sem odjal nrecorre a tribunal de novo ki nu txomadu pa audiencia ku juiz dia 21 de maio des anu, undi nu estipula um pensao alimentar fixu, e ma nta bai busca minino pa sta ku mi 3feira e 5 feira dipos de scola, e me ta fica ku mi sabado ate 10hora de domingo. Se mae ta torna cumeça ta criam problema ma minino sta duente, ka ta leval scola pmd é sabi ma nta bai djobel se verdade ou não, sempre tudo fim de semana ta fla ma minino sta duente so pa ka bem durmi ku mi, pmd ami é um alguem ki tem se vida humilde. Sem conta ma ora kim ta buscal el ku se namorado ta fica ta siguim, nta leva minino pa odja espetaculo na assembleia paparazis ta tra mi ku nha familia foto pa manda mae de minino pa bem cria problema undi ca tem.
Situação é de tra alguem de serio, sempre mesma coisa sempre a mesma coisa é ta inventa munti storia so pa ka dexam odja minino,. isto é keli é um resumo ke sim nbem conta tudo ta da livro.
COMMENTS