Sol di-meu

Sol é tistimunha di nha kansera sen midida

SOL

Sol di-meu
Nha sol, nha fiel konfidenti
Pamanha-m e ta korda ku se lus divinu
Boka tardi é ta dispidi ku se amarelu kalmu
Duradu sima kel purmeru beju ki N da nha Kretxeu

Sol é tistimunha di nha kansera sen midida
Nha purmeru versu skrebedu baxu sol kenti
Na korenti D'agu N kontal segredus di nha alma
Sol ki batisa-n ku nomi pretu dizaforadu
Sol ki kasa-n ku inkantada
Sol ki Konta Lua nha noba

Sol riba la na altura ta perta-n rixu
Inxina-m konta ora sen atraza un minutu
Ora ki Sol bai txuba ta ben
Sol di-meu
Nha sol nha fiel konfidenti

Gil berto