"Txeu pais kriolu na Merca ta poi ses fidjo fora di casa cu 18 ano..." - Ja Diva dezabafa...

Na kel momento la bu ta sta vulneravel... Si bo é fracu bu ta cai e bu Fica mas baxu inda.

Dezabafu di Ja Diva, texto ke partilha na si rede social...

"Txeu pais kriolu na merca ta poi ses fidjo fora di casa cu 18 ano pmd supostamenti cu kel idadi la dja bo e maior di idade... Na kel idadi la q mas bu ta mesti bus pais... Primeru cuza é colegio... Sem bus pais pa cina bu tem q spera te q bu fazi 21 ano pa bu cumessa colegio... Di 18 a 21 ano as ves bu ta passa tanto dificuldadi q hora cu ta txiga 21 po bai colegio bu ta caba pa desiste pmd dja bu teni munti risponsabilidadi na cabessa q bu tem q sacrifica bu scola...

Encuanto bu pais teni bu cuarto la vazio abo bu sta na mundo ta struggle... Ta straga bu crédito ...Ta make bad decisions pmd bu ca teni kel guidence cu mesti na kel momento ke pa bu madura... Bu ta cometi txeu erros q si bu teni bu grandi é ta consedjou pmd el dje teni experiencia q bu ca teni. Bu ta toma um caminho longo cheio di spinho.. Bu ta encontra cu alguens mas grandi k bo q ta fingi djudou mas es ta usou pes subi na vida a es... Bu ta contra cu amigos q sta mas perdido q bo q dja atxa conforto na bebi ou fuma... Es ta ofereceu drogas... Alguns bu ta atxas ta bendi ses corpo...

Na kel momento la bu ta sta vulneravel... Si bo é fracu bu ta cai e bu Fica mas baxu inda. Bu ta busca amor na lugares erradu ..O k bu ca teni amor di familia ..Bu ta corri txeu perigo...

Kes familha q sta bem sucedido rapara ma es é unido... Gossi bu tem bu casa plano è pa bu djuda bu fidjos q dia q es sai di bu casa é pes bai mora na ses casa q es cumpra tb.. Hora q djes sta priparado pes cria ses propi familha... Nunca n intendi modi q bu pais ta pou na rua so pmd dja bu fazi 18 anu... Pe dexa bu cuarto fazio abo po bai durmi na rua ou di favor na casa di alguem te q bu consigue ser independenti... É munti familha q sta separado cada um ta passa si deficuldadi el so.. Q. Nenhum ca ta bai pa frenti... All struggling... Tudo ta ignora poder di unity...."

Dexa bu opinion sobre es dezabafu di Ja...