"Un joven di 21 anu salta di un rotxa y é ka sta li mas ku nos" - dezabafu di Anilton Levy

un simples conversa pode salva vida,

"Kenha é nos pa pensa ma nu podi manda na kuzas ki nu ta xinte, si nos propi pensamento é superior a nos. kenha é mi pa dexa di skrevi u ki nsa xinte, si nha mo ta obidece kel ki nha ser manda. Pa ke sukundi, si nka dezabafa talves nta spludi. Vida ta dau varios kaminhus, bo ki ta skodje kal ki bu ta bai. Claro ki nem tudu escolha é midjor, mas antis di julga pergunta kenha é donu di distinu, si dja bu sabi kal ke bu fim, nton ka tem piada vive. Entri certu y eradu nu ta caminha.

Onti n obi un noticia triste, flado ma un joven di 21 anu salta di un rotxa y é ka sta li mas ku nos. Ago bu sabi flan motivos? Talves kulpa é di nos sociedade iguista, sem dialogo, y sen djobi pa lado. Pamodi oras ki nu ta vive pensando ki so nos ki exite nu ta dexa de da valor a kuzas mais simples ki dinhero ka ta kunpra. Nu sa tras di dinhero pa kunpra kel ki sta em anbundancia enquanto nu ta perdi valores y isso ta tornanu pior ki tudu animal ki es terra produzi. Alves é bon nu dialoga, é sempre bom, un simples conversa pode salva vida, un simples abraço podi mata tristeza di es mundo. kuza mais triste ki tem é perdi un grandi amor.

PS: Reflete ku es texto, y faze bu parte, ka bu afasta di kel amigo ki sta afasta di bo, alves é ta afasta pa algum motivo, y nem sempre é bom razom, sta presente na vida di kenha ki bu ta ama, pessoas ta passa pa frustasom, depreson, y solidon nem sempre é midjor opison. Nu precisa di kumpanheru pa vive midjor, ajuda bu amigo a muda rotina y a da valor a vida antes ki ser tardi dimas." - Anilton Levy