"Kabuverdianu ka teni ruspeto ku nôs migranti nou"

Mais um partis di Betinho pa alegra bu dia, des bes num tom um poku mais serio...

Aventuras di Betinho

Kabuverdianu ka teni ruspeto ku nôs migranti nou. Nu ta trabadja kansadu fora terra, otus ka mesti sabi modi nu sta pasa, ta fika ta pidinu kusa di alta teknologia ki nem nôs nu ka teni i otus más. Ci nu ka manda, és mê ki ta abandonanu na boka mundu. Oras ki nu mandas, nem pes txomano pés flanu ma djes recebi. Inda nôs ki ta txoma pa purgunta si dja recebedo. Além di otus inda ki nu tem ki manda dinhero pa ba tra kusas kê nôs ki manda.

Nhós tudu sabi ma maior kontributo na Cabo Verde ê através di nôs migrantis. Nu ta manda nôs kusas nôs stado ka ta djudanu ta matanu ku preço, alem di furta kusas ki nu ta manda. Ki mas ta duenu ê kés nôs propi familha ki oras ki nu manda dinhero pês trabadjano nôs kasa, ês ta djunta ku stranho pés danu na pedra. Kusa ki kusta 10 konto és ta flanu 30. Inda oras ki nu txiga CAbo Verde nôs é obrigado a anda na táxi. Ci nu munta karoça esta faseno troça. Nhos ta tranu filing di invisti na terra. Td manda kim manda lam li oxi num ordenário kasta nha migo