"Nha mai nunka ka mostram amor" - dezabafo di um caboverdiano na Portugal

Dezabafu di es jovem podi ser ki ta espelha realidadi di otus jovens

Dezabafo di um seguidor di pagina Dexam Sabi...

FAMILIAS PODE TORNA CRIANÇA UM ASSACINO EM SERIE

Nha pai sempre tive vida de emigrante,  npassa vida inteiro cu nha mae, nta acredita ma nha mai pode amam so k nunca e txiga de mostram. Ntive um infancia um pouco dificil, ntinha cabeça rixo mas nta sufreba txeu maltratos por parte de familia, em geral npode fla nha familia ca foi acolhedor e tudu kes senas bata torna rotina, ncaba cu cria revoltado k ate hoje djam da home ntene nha familias mas nhas fantasma sta tudu presente ntxiga ate ponto de tenta poi um fim na mim mesmu de tanto nsufre.

Npode flau ncatinha ninguem pam desafaba e continua ta sufre calado kel sena tornam revoltado e ate hoje nsta na Portugal mas ncatem tanto saudade nhas familias mas cu tempo nbem conche 2 tias dimeu por parte de pai k tornam nha mundo mas amoroso k fasem conche amor enfim es e nha ponto suport, pessoas k fasem  chinte bem, ate ainda horas k nhas passados sta perturbam, ntem carta branca pam pode txomas qualquer hora e um ligaçao kim catem nem cu nha mae mas enfim tudu fas parte.

e nha consseio e o seguinte, da bu fidjo carinho, fasel oia serto cu erado ate sotal mas dento de normas e padrao, dexal vive se enfançia pe pode torna um pessoa realizado. pmd infancia e um fase de enoçencia, td mininos tem cabeça richo mas tudu isso fas parte. Cria bu fidjo mostral caminho mas ca bu cre pe vive vida k bu scodje pael pmd el e livre e tem direito de fase se escolha. Porisso acredita ma familias e capas de torna um desturbio na vida de qualquer criança e mi ntinha td pam tornaba um diliquente ou fase algo k pode afetaba sociedade mas se hoje nsta se nta credita ma Deus sempre tive planos midjor pami.

Obrigado nhas tias k foi uma mae pami e obrigado nha paizon k sempre foi migrante mas nunca dexa de oia pami . Nha mai ca mostram mas nta acredita ma tem nem se for um pouku de sentimento pami.