conselhos na esperança di ki nhos ta podi kontribui ativamente pa trava disseminação di infeção na CV
Boa tarde pessoal de Cabo Verde. Esta é uma mensagem deixada pela minha tia Claudina Cruz que é Médica, e se encontra agora na especialidade de Infeciologia em Portugal. Por favor siguam estas instruções e partilhem!
"Bom dia pessoal, por ser nha area de especializacão e pamodi n tem stadu na linha de frente na combate a pandemia pa doenca causado pa coronavirus (COVID-19) n kre dexa nhos tudo alguns conselhos na esperança di ki nhos ta podi kontribui ativamente pa trava disseminação di infeção na CV:
1. Calma, serenidade e cuidado ku nos mesmos mas sem skesi kenha ki tem limitasons sima idosos, crianças, gravidas e pessoas ki dja tem doenças.
2. Sa preconizado reduzi circulação de pessoas e não de bens ou comida, nhos fazi compras ku kautela e evita açambarca bens pamodi ka sa bem vali di nada si nhos ka previni panha infeção.
3. Mas vale durante alguns meses tem menos "income" economico do ki passa meses e meses sem consigui controla disseminação di infeção e perdi vida di pessoas ki nu ta ama.
4. Ka é momento pa fazi festas, parodias, junta txeu pessoas na mesmo espaço !
Nhos fika na kaza !!! Nhis fazi House party pa internet ! Tem aplicasons pa kela.
- Akredita é um benção pa nhos tudo ki podi fika na kaza ku nhos familia, marido/mudjer, ou fidju. Profissionais di saude sa ta trabadja 24/24h e nu tem stadu isolado na nos kaza sem ninguem ou mesno tem kes ki tivi ki muda di kaza e sta há semana sem odja ses fidjos, cumpanheros ou pais pa proteges di riscos ki nu sa exposto !!! Por isso sta na kaza é um benção pa nhos, aproveitem ! Mas tempo pa studa e trabadja por ppataformas digitais pa tudo kenha ki podi fazi kela.
5. PREVINI É PALAVRA DI ORDEM !
- Lava mom ku agua e sabao antes e dipos di contato ku pessoas, txiga ou sai di trabadju, entra ou sai di kaza y sempre ki for possivel !
AGUA y SABAO é fundamental ! Si bu tiver ki bai algum lugar ki ka tem leba di bo ou leba um desinfetante ku álcool >61%.
- ka poi mon na kara nem na boka, men na odju !!
- evita cumprimenta pessoas ku aperto de mão, abraço ou beijo.
- ka bai pa lugares ki tem txeu pessoas ! E evita viaja pa otus ilhas ou pa otus paises.
- Máscaras sa recoendado pa pessoas di risco: trabadju exposto a contato direto ku publiku, profissionais de saúde, pessoas ki tem doenças, idosos, grávidas etc.
6 - KA é pa bai pa banco di urgencia ou hospital di kualker forma pamodi nhos podi corri mas riskus e poi Otus pessoas em risco !!!
- si bu bem di viagem, zona di risco, contata ku pessoas infetado ou si bu tiver sintomas sima febre, tosse ou falta de ar contata pa LINHA DE SAUDE 24 Cabo Verde pa bu ser orientado di forma seguro !!!
7. Si nos tudu kontribui ta ser só um fazi y ta passa ! O ki passa Sol ta volta ta brilha ku mas força e nu ta podi sigui ta kaminha pa frenti ku speransa.
Cumprimentos a nhos tudu e ki es fazi ta ser brevi !
Clau."
COMMENTS