Primeru kauverdianu ki partilha si experiensia dipos di infetadu na Merka pa coronavirus

Infelizmenti antis di e fazedu testi e infeta si pai ki dja teni kuazi 100 anu

Coronavirus
“LIVE” DI JOVEN KAUVERDIANU NA MERKA INFETADU KU CORONAVIRUS KOMOVI REDI SOSIAL...
Ê komovi redi sosial mas prinsipalmenti ê txoma atenson pa privini kontra es novu virus ki ka ta popa nen riku nen pobri, nen joven nen bedju, nen branku nen pretu, nen omi nen mudjer nen mininu...Ku si vidio ê mostra tanbê ma COVID-19 ê ka ‘fake” , ê un duensa rial ki podi panha kualker un di nos.

Apartir di si kaza na Brockton , Nuno Monteiro, 33 anu d’idadi, fazi es video di 39 minuto undi na kriolu ê tenta alerta kumuniddi sobri gravidadi di es duensa, el ki testa puzitivu pa coronavirus semana pasadu y ki pur isu izula si kabesa nun korentena dentu si kaza ku medu di infeta otu algen.

Video: Jovem Caboverdinano na Merca ku COVID-19 dezabafa... "Coronavírus É real y bu pode pegal"

Infelizmenti antis di e fazedu testi e infeta si pai ki dja teni kuazi 100 anu ( si pai ki sta rekupera na ospital ) mas felizmenti e ka infeta nem si mai nen si fidju pikinoti...

... Ê si mai ki ten stadu ta pol kumida na porta di si kuartu enkuantu ê sta rekupera di es duensa. Nuno ta fla ma si es virus infetal ê pamodi ê podi infeta kualker un, el ki mas di ki ningen ta sigi tudu instruson pa privini es duensa ja ki e ten prublema di saudi relasionadu ku 2 operason ki e fazedu ( un na vista y otu na serebru pa tra parazita di si kabesa) . Pesoalmenti e ka sabi sertu sertu nen undi nen modi ki ê es virus infetal y e ta fla ma pa es duensa ninguen ka sta imuni....

Y e por isu, pamodi coronavirus podi infeta kualker un di nos, ki e ta pidi tud’algen pa sigi eskrupulozamenti instruson di autoridadi prinsipalmenti na kel kiston di laba mo y di fika na kaza.

Nuno ê primeru kauverdianu ki partilha si experiensia dipos di infetadu na Merka pa coronavirus. Ê nasi na Fogo mas ku 19 anu ê txiga Merka undi pa alen di DJ y kantor ê ta trabadja tanbé nun loja di ropa mas pra ja ê ten ki fika na kaza pelo menus mas un semana pa ê rekupera totalmenti. fonte:ok