"Como humanos nu kre nos direito de mostra nos amor e realiza sonho de casa ku kenha ki nu tá ama"

OrgulhoLGBT

Nu recebi es dezabafu di um seguidora di pagina Dexam Sabi...

Mi è ka muito de debate ou desabafa na rede social, Mas hoje xinte necessidade de fala kuze kim Sta pensa, nos tudo è ser humano pamodi ki nu ka pode tem mesmo direito básico. Keli tá bai pá nos governantes, Sempre nhos tá fala na igualdade entre pessoa mas hoje Sta xinte na pele ma igualdade è só na parlamento kdi tá existe.

Pmd ki tem rasismo?
Tá responde pmd nos me nu tá contribuí pá kela
Pamodi ki nos ou seja nhox ki tá considerando anormal sima lesbicas, transgeneros, bissexual, gay, travesti, nu tá sufre ku nhos preconceito, nu ka tem direito básico de casamento sima kes alguém ki nhos tá considera normal moda homem e um mulher pode mostra sis amor e lei tá apoia pá sis
casamentos.

Nós també como humanos nu kre nos direito de mostra nos amor e realiza nos sonhos de casa ku kenha ki nu tá ama e  ki tá fazeno feliz.

Hoje Sta li ta pide por favor Governo de Cabo Verde pá deixa de homofobia na és mês di Junho de #OrgulhoLGBT pá nhos aprova kel lei ki tá fla ma nos è igual ma nu tem mesmo direito tanto como humanos e como elemento de nós nação.

Assinada diana spencer