"Fidju nha vizinha ta parsi so ku nha maridu" - dezabafu di um kriola

Kuzé ke debi fazi pa resolvi es duvida

Um seguidora teni um duvida pa bu djudal...

Ola, boa noite, hoje nresolve bem dezabafa li na Dexam sabi, pamodi nka sa aguenta mas fika ku issu so pa mi.

a muitu tempu ki djam rapara ma fidju nha vizinha ta parsi so ku nha maridu, so nka sabi kuze nta faze pa sabi si es aparencia é ka so konsidencia. Kel rapacinhu, fidju nha vizinha tem 5 anu, y é kompia nha maridu, na mexi na si albuns di fotu antigo n encontra si fotos na kantu é tinha idadi di kriança y nka ta concluson, sima ki es é compia di kumpanheru. Txeu alguem dja flam es kuza, oyu ta fla na troça y nta tomal pa isso pamodi li na zona es é so gaiatu es tem kes tipu brinkadera kes ta fazi, mas ami djam nota també ma es tem similhança na aparencia. Alguem ta fla me fidju kornu, es ta kre fla ma nha maridu involvi ku vizinha yma kel rapazinho é fidju nha maridu. Ami propi keli é um kuza ki nem nka ta kre akridita na possibilidade pamodi sinon é konfuson na zona ki ka ta kaba. Ago nkre sabi si tem komu n sabi di verdade y tra es storia di fladu fla, mas nka kre pa nha maridu sabi ma nsta diskunfiadu. nhos djudam