Polemika: Zé de Zezinha fla ma Mc Acondize roba si letra...

"Mc Acondize robam nha letra"

Zé de Zezinha, é um jovem di Praia, é txiga na Dexam Sabi ta fla ma Mc Acondize roba si letra, é fla "ntem 70 mil testimunha", nes momento é sa ser motivo di gozu na si zona pamodi pessoas dja konxeba si verson.

Talves bu ta recorda ma na inicio di anu nu partilha um video di Zé, undi é ta canta na ton di funana, na um parti di musica é ta fla "Vizinha kordera ki teni boka na si vida", bu podi odja es video li.

"Vizinha Fofokera" é novo tema di Mc Acondize, ki pelos vistos dja kai na boca di povo, video dja supera marca di 300 mil vizaulizason - Video: Mc Acondize - Vizinha Fofokera

Nu perguntal si é ta konsidera plagio uzu di 2 palavras di si compozison, ki també é uzadu normalmente na sociedade, é respondi "Mas plágio k keli ka tem"

Zé de zezinha ta fla me ka sta nada kontente ku atititude di Mc Acondize. é fla "Nta anda na rua tudo kenha k conxen ta flam ma gajo toman letra. E dipos sem nha permisom. É divia falaba ku mi sima otos artistas txomam k pidim kim ka da, mpodia até daba él. Nmandal mensagem é ka responde"

Zé dezabafa ku nos ta fla ma si sonho é grava es tema, y otus pamodi é ta composita txeu, mas ma oportunidade inda ka parce.

comenta